發佈時間：17:56 2023-09-13
現年38歲的張致恒（Steven）與老婆雯雯多次鬧婚變，但每每於聲稱離婚後，都會宣布「有喜」，令人嘖嘖稱奇，太太雯雯更被網民封為「離婚界KOL」。早前於「婚變期間」宣布懷有第4胎的雯雯，在9月6日於社交平台公布已試下第4胎的消息，兩人與4個小男孩組成一家6口！一直為口奔馳的張致恒，昨日（12日）突然宣布將作「重大嘅決定」，今日（13日）終揭盅，原來將會結紮。
為了一家六口張致恒結紮
張致恒昨日於IG Story發帖：「經過深思熟慮嘅思考，做咗一個重大嘅決定，聽日我就會喺IG度同大家公布！」原來這個重要消息為結紮！今日（13日）他於社交平台表示：「多謝大家一路以嚟俾（畀）我嘅意見、對我嘅支持同鼓勵，好榮幸可以做到四個小朋友嘅爸爸，見到第四個仔出世，諗返起呢幾年經歷咗好多野……為咗未來一家六口嘅生活，經過深思熟慮嘅思考，我決定進行結紥手術，為頭家負上最大責任。我已經聯絡咗一間日間手術中心安排做手術，詳細情形我會等手術之後同大家分享。謝謝大家。」而一眾網民亦留言叫張致恒加油，希望他真的履行承諾，進行結紮，專注於養育4名仔仔。
點擊圖片瀏覽張致恒結紮詳情：
張致恒太太曾收月費於IG講家事
被稱為「離婚界KOL」的張致恒太太雯雯，兩人於2019年奉子成婚，婚後雯雯經常透過社交平台「放負」，指身為三子之父的張致恒，未有盡爸爸的努力養妻活兒，更指老公「又廢又懶」，兩人雖活於同一屋簷下，但過著室友的生活。7月時雯雯再於社交平台發表長文，暗指自己懷有第四胎，更指要「迎接呢份禮物」，引來網民猜測。後來有雯雯接受網民提議，收取$50月費於IG分享家事，不過早前又將月費IG關閉，兩人行徑飄忽，令網民擔心他們如何養育4名孩子。
點擊圖片瀏覽雯雯IG帖文：
多次放負被稱「離婚界KOL」
其實張致恒與雯雯結婚4年，四年抱四，不過一屋小孩似乎未有令兩人變得成熟，外間看來一個「吊兒郎當」、一個「經常放負」，主動將家事放於社交平台，成為大眾茶餘飯後的熱話。曾有網民發現張致恒在天水圍一間小食店打工，後被雯雯發文大鬧，指自己為對方找到工作，但卻要受他氣，又要受其面色難看。她更寫下長文為自己的婚姻作總結。「呢一年確實係我人生一個轉捩點，好多嘢都改變晒，曾經我以為我一個人係好簡單，柤信同堅持就能夠有好嘅結果，但係原來並唔係咁樣，一次又一次嘅被背叛同傷害，確實令到我思想同性格都改變晒。」也寫出自己對於懷孕無悔，「第一次懷孕之後，確實，我係任性冇諗後果，就成就左（咗）每一次懷孕，但係一個新生命係上天比你嘅禮物同一個安排，所以我冇後悔過，反而令到我更加有責任感同信念去照顧好佢哋。」
曾接受《親子王》專訪表示會盡力湊3個兒子
張致恒太太雯雯於今年母親節時，曾接受《親子王》的獨家專訪，表示會竭盡全力照顧三名兒子（現在已是四子！），但正面對經濟困境，故需每天早上6時起牀，獨自照顧兒子跟3隻狗，到了凌晨2時才有時間休息，想不到早已累得筋皮力竭的雯雯，疑似再度懷孕，為她口中所指的「整天在家百無聊賴」的孩子爸爸懷有第四胎！想不到事隔數月，她於IG宣布懷第4胎：「既然上天再一次俾咁樣嘅安排我我就應該好好計劃，靠自己去照顧好上天比嘅每一份禮物，再一次負起呢個責任，迎接呢份禮物同安排，無謂再去浪費氣力同時間只係喺度發洩同埋鬧，我相信唔放棄，堅持一定有出路，瞓醒一覺，又會係一個好嘅開始」。事件令網民嘩然，紛指難以置信，「離婚界KOL」除了「周期性離婚」，亦再次「周期性懷孕」！
點擊圖片瀏覽雯雯與3個兒子的生活點滴：
雯雯曾跟《親子王》表示自己常於IG「放負」，全因另一半愛理不理，對方在家中鮮有幫手打理家務，每次看到此情況，加上「缺錢」，連三個小朋友開飯的錢也欠奉，雯雯便會「火起」，由於自己朋友不多，也沒有家人支援，她根本無處申訴，除了對着孩子哭，情緒來襲時惟有於社交平台宣洩。這次她曾同時面對手術，令情緒更為失控。「大仔識嘅嘢越來越多，每當我大喊情緒失控嘅時候，佢會好擔心，同表現出好唔開心，我就同自己講要醒，唔能夠影響小朋友成長，唔能夠帶比佢有任何陰影，再加上自己身體緊要，面對嘅手術，的確好驚，好怕個風險，上天要帶我走，所以同自己講好向前行，好好珍惜同家人嘅時間，仲好過喺度發癲，日日喺度鬧都根本改變唔到好多嘢，亦都冇幫助」。
於IG她亦有寫下：「問心，有邊個會想公開自己嘅私事去俾人笑同討論，我唔係一個小丑，但係一來我冇乜朋友冇乜傾訴嘅對象，所以就換來喺平台發洩。」雯雯表示自己也有跟另一半認真討論：「大家終於坐低傾過問題，我都唔知大家嘅關系（係）能唔能夠修補，但係呢一刻我相信大家都需要時間去行落去。講到尾，其實根本唔關共唔共患難事，如果係咁嘅，我諗一開始根本唔係咁樣行。」雯雯亦有多謝善良及有心的朋友一直關心與幫助她：「希望去到新嘅IG，我係能夠分享正能量同我嘅家人嘅生活點滴開心」。
