【東周獨家睇!】周吉佩的500呎幸福窩

更新時間:14:45 2023-04-01
發佈時間:14:45 2023-04-01

無綫歌唱比賽節目《中年好聲音》,進行得如火如荼,高大又靚仔的周吉佩(吉吉),因為識玩樂器,又曾經是歌手,所以被睇高一線。現年三十六歲的他,有一仔一女,還有靚靚老婆,確實是人生勝利者,若果能在今次比賽奪冠,更加錦上添花,吉吉笑說:「今次參賽者各有特色,所以要贏都非常之困難。」
走進吉吉位於九龍灣的家居,面積約五百呎,地方雖小,但五臟俱全;而這個與太太一起創建的幸福家,確實得來不易,吉吉坦言:「喺我最窮嘅時候,俾我識到我太太,o依家我擁有嘅一切都係佢俾我嘅。」為了讓一對仔女有一個更舒適的家,一家四口將搬到將軍澳,方便自己返工,又方便大女返學。

吉吉與太太黃彥欣的嗜好都是唱歌,兩人志趣相投,更遺傳給一對仔女,大女今年七歲半,而細仔則五歲。
吉吉與太太黃彥欣的嗜好都是唱歌,兩人志趣相投,更遺傳給一對仔女,大女今年七歲半,而細仔則五歲。

 

患得患失

現年三十六歲的周吉佩(吉吉),因為自小已經喜歡唱歌,二十一歲時便參加了有線電視舉辦的《線動真音樂全港歌唱大賽》,並奪得亞軍,翌年簽約成為歌手及擔任音樂節目主持,可惜遇上金融風暴,公司不再續約,就在這個最失意的時候,遇上了太太黃彥欣(Louise),「失業後多了空閒時間與朋友出街,好友曹敏寶(《中》參賽者之一)說要帶多一個朋友出來唱K,那人就是Louise。當晚大家都很不自然,其實已有觸電感覺,幾星期後便開始拍拖了,其實敏寶就是我們的媒人。」
〇七年參選港姐的Louise,落選後,曾客串過幾套電視劇,之後便到銀行工作。拍拖初期,吉吉因失業近大半年,積蓄也差不多花盡,當時令他對這段感情有患得患失的感覺,幸好兩人很快便認定對方,兩年多後更拉埋天窗,並誕下一女及一子,如今大女Imogen已七歲、兒子Jasper也五歲了。
縱使夫妻恩愛,但也出現過婚姻危機。一五年,吉吉的樂隊SPACE有機會與唱片公司簽約,對唱歌有一團火的他,於是先斬後奏,令太太非常生氣。Louise憶起此事,現時仍有餘憤:「嗰時,我個肚籮咁大!我知道時,他已經簽好約,冇得返轉頭。但做得藝人,正職自不然會受影響。後來,阿囡出世,我是新手媽媽,她有甚麼頭暈身㷫,我就會好驚!而每次打給他,他都是在夾band或在錄音室,經常會因此而嗌交。」二〇年,樂隊因成員意見不合而解散。

吉吉表示每次比賽都會花盡心思,希望給觀眾不同的感覺;而顏值高的他,還有八級聲樂資格,以及懂得演奏多款樂器,絕對有機會爭勝。
吉吉表示每次比賽都會花盡心思,希望給觀眾不同的感覺;而顏值高的他,還有八級聲樂資格,以及懂得演奏多款樂器,絕對有機會爭勝。

 

先斬後奏

經歷過差點婚變,然而吉吉依舊沒有放棄唱歌。今次參加《中》,他也是背着老婆報名,結果當然又惹來太太的不滿。他哈哈大笑:「佢開始嘅時候係好唔支持我,為咗呢件事我哋有拗撬過。我當時報咗名都冇話俾佢聽,係曹敏寶同佢講:『你老公都報咗名參加喎。』佢先知道。其實,佢都係擔心我好似當年咁樣,乜嘢都唔理,為咗自己嘅夢想,搞到屋企冇飯食。」
吉吉續說:「o依家我唔會囉!人大咗,諗嘢真係唔同咗,我一定會搞掂晒屋企嘅所有開支,先去諗其他嘢!」來到比賽的尾段,Louise也由最初的反對,變成全力支持:「可能以前嘅我會好大力反對,但我今次親眼睇到佢嘅努力,我可能真係俾佢咁多年堅持追夢嘅心,終於成功打動到!同埋,見到佢參加咗呢個比賽後,個人嘅衝勁同唱歌嘅滿足又番嚟,我仲點忍心stop佢,所以我會繼續支持佢!」
每天無論有多累、有多忙,吉吉都會逼出時間拿出電腦、咪高峰,坐在牀上唱歌、作曲,這就是他的「me time」,他笑咪咪的說:「之前細仔未出世,我就喺隔籬房唱歌、作曲,o依家仔女住咗間房,我就惟有每一日搬啲架撐出嚟用,用完之後又再收拾番。」