獨家丨前J2女神梁凱晴晒34D兼玩側漏挑戰電視尺度開電視《杭州限定旅團》方泳琳按摩險露股罅

更新時間：07:00 2023-09-05
發佈時間：07:00 2023-09-05

去年8月，前「J2女神」梁凱晴（Nina）轉投HOYTV後變身「有線咪神」，繼過檔頭炮《亞洲TOP TEN 台灣篇》大解放後，最近播出的全新旅遊節目《杭州限定旅團》繼續進取，換上4套比堅尼大晒34D Big爆上圍，最噴血一幕，梁凱晴跟方泳琳（Jessie）半裸趴睡做按犘，白滑背部任睇，仲側漏半球，講明挑戰極級性感尺度，觀眾最有福。採訪：方騫平

TVB旅遊節目《日本限定Super遊》、《自然系女子日本旅行》第二輯、《貝遊歐洲》中，33C余思霆、32E台妹林襄、31B蔡思貝等都以泳衣上陣大派福利！逢周一至五，晚上9時在HOY TV 77台播映的《杭州限定旅團》都唔輸蝕，出動34D「有線咪神」梁凱晴、34C「籃球女神」方泳琳、32B「影壇文青女神」陳紫萱（Summer）逐個「派糖」。

「平板」身形嘅蔡思貝都喺《貝遊歐洲》中穿一件頭泳裝亮相。

32E台妹林襄在J2《自然系女子日本旅行》第二輯中本色演出。

余思霆於TVB旅遊節目《日本限定Super遊》大晒33C好身材。

Jessie濕毛巾墜下險走光

節目中梁凱晴及方泳琳狂晒Deep V水著，身材養眼，前者稱杭州之行頻頻撲撲，意外地瘦咗3公斤令葫蘆身形更fit，但都擔心觀眾睇得太多泳衣演出會生厭，又相信方泳琳着泳裝較有新鮮感，所以唔會搶到拍檔風頭：「我最難忘跟方泳琳半祼趴低做按犘，由於冇做預防措施，上身完全唔敢郁動，變得好尷尬，在場工作人員都怕我哋郁動會走光。」

方泳琳最驚喺鏡頭前做按摩不慎露股罅，講到最驚險拍攝過程就係浸spa出浴後，包住身體嘅大毛巾因為濕咗水有重量突然墜下，好彩及時拉得住，真係嚇親。提到跟梁凱晴展示最強Body，方泳琳甘拜下風：「因為當時身形有啲微胖，只能着一件頭泳衣，梁凱晴又勁又索，仲有43吋長腿，大家都敵唔過佢要讓路啦。」

Summer自問保守只能露腰

另外，Summer自認保守招架不來，只能着黑色小背心配短褲露少少纖腰。問到會否擔心被比下去？她即說：「咁又唔覺係輸蝕嘅，我都冇諗過要突圍，本身係一個比較保守嘅人，平日游水都係着一件頭泳衣加條短褲，連朋友都會取笑我『你真係好怕走光呀！』」她笑言見到兩位拍檔身材咁好，更加覺得自己選擇非常正確，「所謂獻醜不如藏拙啦，最緊要着得好睇，都係着返適合自己嘅衣服會舒服啲。其實我係最幸福嘅，既可以同佢哋一齊玩水上樂園，同時全方位欣賞到佢哋咁好嘅身材。」杭州旅程中，Summer最難忘女扮男裝玩「劇本殺」，上演英雄救美好過癮。