呂爵安爆AL要千萬頸鏈生日禮物劉沛蘅被封「潑婦」唔怕嚇親洪卓立

更新時間：00:49 2023-07-08
發佈時間：00:49 2023-07-08

ViuTV節目《膠戰S3》6位主持呂爵安（Edan）、岑珈其、魏浚笙（Jeffrey）、徐浩昌、黃正宜及劉沛蘅（Hillary）昨日出席膠粉見面會，引來「膠粉」迫爆商場。當6位主持逐一影單人照時，Jeffrey被岑珈其及Hillary將他兩邊衫袖拉高要他騷健壯手臂，令全場粉絲情緒高漲大叫「除衫」，不過Jeffrey冇理會，岑珈其再出招將他件衫拉高，Jeffrey即用手拉實。而當玩紙扇子撥起紙巾遊戲時，阿正稱Hillary為「潑婦」。

Edan直言想出埠拍第4季，最想請玩綜藝節目好叻的台灣組合「五堅情」參與。魏浚笙早前於節目玩到喊，他解釋感覺像失去兄弟珈其，但搞笑謂不會請他吃飯。Edan指魏浚笙好善良，經常不想玩得太盡。而Hillary在玩撥紙巾遊戲時被Edan取笑是「潑婦」，她即笑住承認。問可會嚇怕男友洪卓立？Edan搶說：「你估佢未見過咩！」

Edan談到下月開個人演唱會，而合演新劇的隊友Anson Lo亦要開騷，故兩人暫停拍劇，投入準備演唱會。昨日是Anson Lo的28歲生日，Edan笑言出席活動前在化妝間遇到對方並跟他講生日快樂，「我有問佢有咩生日禮物想要？佢話要千萬元嘅頸鏈，我話得500蚊預算。」