盧瀚霆28歲生日獲逾千「神徒」玩轉尖沙嘴中環 教主揚言：好想同你哋每一位say hi！
發佈時間：17:05 2023-07-07
今天是「教主」盧瀚霆（Anson Lo）的28歲生日，一眾「神徒」為他準備以「Keep Giving • Keep Loving」為題的連串慶祝活動，當中包括請市民免費乘搭生日主題廣告開篷巴士、免費乘搭天星小輪往返尖沙嘴至中環，派發免費雪糕以及全日免費坐摩天輪及旋轉木馬。踏入生日的一刻，Anson Lo在社交平台分享了一張全家福！
【相關閱讀】：「教主」Anson Lo下月28歲生日 「神徒」搞Pop Up Store做善事慶祝
【點擊睇「教主」盧瀚霆連串慶祝活動】：
今日在尖沙咀碼頭的一站，3時前已聚集了大批「神徒」在天星碼頭外拿着教主Q版公仔、應援氣球，在天星碼頭外圍的巨型教主照片作背景打卡，派雪糕及應援物等亦有約50人排隊等候，但秩序良好，而現場亦有停泊兩架警車維持秩序。據知今日尖沙咀方面會派發1,000杯雪糕，不過未到3時亦已派完。至於中環方面，早已聚集數百身穿粉紅色應援服的神徒，形成一片粉紅海，非常墟冚，在摩天輪旁亦有一架以粉紅色打造的教主雪糕車，免費派發士多啤梨味雪糕，以及一架粉紅色及一架黑色的觀光巴士在場接載乘客，甚至連碼頭從閘口到樓梯以及船內亦有教主肖像給神徒打卡，非常有心思。
有3名來自星加坡的「神徒」Michelle、Joanne及Moon 特地來港慶祝教主生日，Michelle指她們從《造星》開始已喜歡教主，喜歡教主的全部，亦有為今次生日參與集資，不過就不方便透露價錢，而她們參加完今次生日活動後，稍後亦會再來港欣賞教主演唱會。至於8歲Ally就由媽媽陪同下到尖沙咀參與活動，表示喜歡了教主兩年，覺得教主唱歌好聽、靚仔同搞笑，今日亦先後去了旺角、尖沙咀打卡，稍後亦會到中環參加慶祝活動，未見過教主的她，希望能在中環一睹教主的風采，同時她亦祝教主生日快樂及永遠幸福。
好想同你哋每一位say hi
另一方面，Anson Lo在凌晨曾現身TG Group並向「神徒」說：「我嘅生日就等如你哋嘅生日，所以喺度唱一句生日快樂畀大家聽。希望聽日（即今日）下晝五點會喺摩天輪area見到你哋啦。因為每一年生日都係你哋出嚟，做一個嘉年華形式幫我慶祝生日，我好少親身見到你哋。今次終於有機會，我好期待快啲到聽日嘅五點，可以見到大家。見得越多神徒就越好，因為好想同你哋每一位say hi，一齊大合唱Happy Birthday（笑），好想親身多謝晒你哋每一位，因為你哋每一位喺我眼中都係咁重要。」
出發前夕，Anson Lo在IG限時動態貼上大合照的安排守則，叮囑「神徒」除了遵守指示外，記緊多喝水以免中暑，接着亦拍片解釋始末：「我噚晚心自來潮同大家confirm咗今日會出現，我原意係希望每一位『神徒』知道呢個消息，唔想我出現咗之後，事後先有『神徒』話唔知道，呢個咁開心嘅日子，大家都應該知道。所以先有呢個安排，希望無論係近距離又好，遠距離都好，都希望可以喺同一個地方同大家慶祝。」
【相關閱讀】：
盧瀚霆7.7牛一全日免費搭船 盧覓雪商台節目講錯嘢神徒求澄清
鏡粉送機｜姜濤做ok手勢向「姜糖」報平安 再傷腳拐拐吓現身機場獲盧瀚霆旁到實
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
