獨家丨單親Alice希望4歲囝囝大個會明白 第二位港產AV女優遭老竇家暴朋友杯葛
發佈時間：07:00 2023-07-14
繼26歲素海霖進軍日本AV界後，22歲香港與馬來西亞混血兒Alice（王籽）成為第2位港產AV女優。剛從台灣拍完AV的Alice跟前夫分咗居，獨力撫養4歲兒子，她坦言AV女優身份曝光後被前夫辱罵、父親撬門入房怒打外，還遭舊同學群起反面，但Alice依然無悔。問呢位AV女優媽媽有無說話同囝囝講?Alice答得黯然：「你長大後吃過苦頭，就明白到媽媽處境。」採訪：方騫平 攝影：羅安強 場地：Studio Meta攝影工作室
Alice拍攝的台灣AV反應有彈有讚：「好開心收到好多支持留言，之前坐港鐵時有個20幾歲男仔拍我膊頭，展示手機備忘錄『加油』兩字。唯一最唔開心係有啲知名度後，IG帳戶原先暴升咗10,000粉絲已累積到25,000人，點知因為以不雅照為由遭瘋狂檢舉，帳戶不停被封鎖，新帳戶得返2,000個Fans，流量少咗直接影響到工作，做咁多嘢都係想搵啖食啫，唉！」
以三上悠亞為目標
稍後Alice再乘勢追擊，今次有機會跟日本廠商合作，坦言想藉此打入日本市場，如早前宣佈引退AV界的三上悠亞般進軍東南亞，自爆即使酬勞唔多，「處女」AV僅得萬元港幣都照搏一鋪，更預告本月將再下一城，第2炮大膽玩「多人運動」。Alice申訴說：「其實拍AV幾辛苦及尷尬，尤其跟對手傾幾句就開工，拍攝時間好長，最多只有半小時休息，期間仲要睇住導演口型跟住做，換上唔同姿勢搞到周身痛，頻密動作令私密部位好痛，因為衛生問題，每一次完事就要沖涼…不過唔緊要啦，返工梗係辛苦。」
點窮都唔做性交易
Alice對性比較開放，自小睇網上漫畫順手撳入去睇埋成人網站，直至17歲跟男同學返屋企偷嘗禁果，初接觸性愛覺得好興奮，對手血氣方剛處女作做足6次，是一個美好回憶：「難得可以自食其力，總比性交易好，其實接過過百DM問價，但我想靠自己雙手打拼，名正言順去賺錢，感覺光明正大得多，良心唔會咁受責備，而且做到一份開心及鍾意嘅工作。」她承認拍AV深受壓力，如前夫第一時間打去鬧她羞家，她嬲爆反擊：「佢有乜資格鬧我？分居期間一蚊都冇畀我。」
Alice又指家暴情況愈來愈嚴重，爸爸更喊打喊殺：「佢知我拍AV後撬門入房，兩句唔埋就打，仲要趕我走，但我有畀足家用喎，反正搬開住都要繼續畀，咁何必呢？」至於10幾個舊同學群起鬧爆她冇為個仔著想，嬲到反晒面：「連佢哋都唔體諒我，會唔開心，之前失業咗一段時間，搵過售貨員、侍應等，連見工機會都冇，我只能靠賣相及PT派傳單，每月搵得萬幾蚊勉強夠養個仔，但後期賣相生意唔好又冇乜傳單派，收入得返幾千蚊，直至拍AV前接咗個大馬job，點知黑到行李被盜冇咗幾千蚊；好心執咗隻街貓返屋企，因為隔離得唔好，貓嘅新冠病毒傳染晒畀家中3貓，4貓留院花費近8萬，Job錢所餘無幾，最後把心一橫去台灣拍寫真搵機會，意想唔到臨時改咗拍AV。」
為生活唔會諗面子大
若重新選擇，強調職業無分貴賤的Alice一樣會拍AV，唔會後悔，她理直氣壯說：「連生活都有問題就唔會諗面子，難聽啲瞓街乞食，仲要少少尊嚴咩？加上同朋友冇血緣關係，佢哋又唔會送錢我使，仲乜要介意？」待兒子升上小學，她會向囝囝透露自己職業。問到會同囝囝講乜?她答得黯然，「『當你長大後吃過苦頭，就明白到媽媽嘅處境，男同女唔同，女人做唔到地盤工。』」她希望盡快搵到錢，將來送兒子出外升學：「現階段先會教佢唔好俾人蝦，要做堅強嘅小朋友。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
