江嘉敏扯開感情話題自爆被多位監製勒令減肥前空姐史穎喬被裁嬲到決不回頭

即時娛樂

更新時間：21:45 2023-02-05 HKT
發佈時間：21:45 2023-02-05 HKT

江嘉敏今日出席新劇《新四十二章》宣傳活動，現場更有粉絲非常應節地向她送上花束慶祝元宵，問她晚上是否已約人，她就因工作關係已有接近兩星期沒見家人，故今晚將會與家人食飯，問她情人節是否有約？她即扯開話題說：「希望公司有多啲嘢畀我做，因為初一返咗工，係一個好開始，我亦覺得應該忙多啲同專注工作，賺多啲錢！」江嘉敏又笑指最近不約而同收到不同監製的減肥通知，現在已開始節食：「健身室都慢慢開返，鄺潔楹本身有開健身室，而家約緊時間，佢真係好好，拍攝嘅時候佢除咗係一個好好嘅拍檔之外，仲係我嘅營養師同按摩師。」

另外，在該劇飾演龔嘉欣好友、曾參加《衝上雲霄大選》的史穎喬，近日備受關注，沒有太多演出經驗的她表示今次是自己第一個真正的角色，看回演出片段亦發現有很多不足，問到嘉欣是否有教她做戲？她聽後即說：「我好鍾意佢，我係佢頭號粉絲，手機仲有參加節目時同佢嘅合照，佢都教我好多，始終我冇上過藝訓班，佢都叫我唔好緊張。」提到近日備受網民關注，她表示有留意，但感覺則誠惶誠恐：「因為知道自己有好多不足，演員路仲有好長要行。（係咪唔會再做空姐？）唔會，我係俾人炒，唔會再考慮，離開嗰時個email我填咗唔會返去，因為嗰陣太嬲。」

《星島頭條》APP經已推出最新版本，請立即更新，瀏覽更精彩內容：http://www.stheadline.com/