袁偉豪計劃與張寶兒兔年誕B 自稱有努力：身體同時間要調節
發佈時間：15:55 2023-01-22
袁偉豪（Ben）今日（22日）到電視城出席TVB賀年節目，Ben指大年初一開工是拿好意頭，自己今年希望能嘗試不同東西以及拍多些劇集及做好音樂，問他有否打算生兔B？他直言有計劃，但同時亦要看緣份，問他有沒有努力？他坦言有：「身體同時間上要互相調節，緣份嘅嘢心急唔嚟，但我哋都好期待，尤其太太需要時間，喺心理上要作準備。」問到是否已有共識生B？他指之前沒傾過，直到結婚兩周年才有談及：「大家都有共識，亦冇話好心急，當然長輩都想我哋快啲生小朋友，但我哋冇畀壓力對方。」Ben又指昨日到觀音廟上香，師父表示生兔B對他們也很好，更直言年紀不小所以要加把勁。
【點擊睇靚相】：
同場的應屆港姐冠軍林鈺洧（Denice）表示今年是第一次年初一開工，因自己是獨生女關係，故平日過年會比較冷清，所以見到這麼多人同時亦能感受新年氣氛。問到Denice是否有向爸爸林俊賢拜年？她表示年三十已傳訊息給爸爸，又笑言過往爸爸也沒有給利是，故會找一年一次過向他拿回過往的二十幾封利是。Danice又自爆因今年賺到錢，所以封了大利是給媽媽，問她封了幾位數？她笑說：「佢開心，比以前多幾倍，我都係咁對我的寵物。」問她新年願望是否希望爸媽一團和氣？她指事情已過去，兩人怒火現已平息，亦有各自生活，並指自己願望是事業可以順利及步步高陞：「我好佢哋就開心！」
而蔣家旻（Angel）與江嘉敏（Kaman)今日亦有出席TVB賀年節目，Kaman有份主演的賀歲劇《黃金萬両》正播出，她表示很開心，自己亦是第一次跟家燕姐合作，但就笑言拍得很辛苦：「因為係古裝劇，喺酷熱天氣警告下拍攝，我哋台前幕後都中暑，我係第一個瞓低咗，五體投地咁。」更指拍古裝劇是圓了入行的心願，但卻與想像中不同：「呢套劇係輕喜劇，我想像中嘅古裝劇係好飄逸咁揮劍，希望有機會拍這類古裝。」至於Angel希望兔年可以財源滾滾，笑言繼續「發錢寒」的她，畫畫也畫錢的標誌：「近年搵真銀嘅工作係少咗，依家巿道開始復甦，我想賺多啲，利是自然會加碼派。（得到女配獎後會否加價？）我好抵用，唔會點加價，多啲嚟密啲手，我一啲都唔貴，新年願望係搵多啲錢，拍多啲劇。」
【其他文章】：
江美儀出爐視后勁風騷三度激咀蕭正楠 再貼身扭腰熱舞腳鉗23歲小鮮肉
陳自瑤食團年飯拍片老公避入鏡？ 王浩信陪睇劇即場知評價 唔怕再被問到口啞
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgY
