獨家丨Phoebus面對比較如墮深淵 老闆鼓勵成推動力
更新時間:07:00 2022-07-22
發佈時間:07:00 2022-07-22

Phoebus(吳啟洋)@P1X3L首度推出solo歌曲《漸漸地》,講默默地守護喜歡的人,原來這種暗戀他小學早已經歷過。他開心新歌成為劇集《冥冥之中》插曲,更開心是獲老闆魯庭暉出post鼓勵,令他超級感動,亦成為未來進步的動力。採訪杜 攝影:沈健程 場地:港威酒店

Phoebus對於Tiger的「下弦論」,感同身受。
Phoebus對於Tiger的「下弦論」,感同身受。

 

Phoebus自爆最初知有機會做歌,專登揀有潛質做劇集歌曲的《漸漸地》,「出呢首歌係想睇吓做唔做到《冥冥之中》嘅插曲之類,因為出時係《冥冥之中》開播前一個月。」雖然演繹歌曲時,他是想着劇集劇情,不過他現實一樣有這方面經驗,原來早熟的他小學一年級已玩暗戀,女方是大他一、兩年的同座鄰居兼同校生,他被「姐姐」的陽光燦爛笑容吸引,「嗰時成日好想見到佢,好傻咁放學會即刻跑返屋企嗰座大堂等,試過等個幾鐘,成件事同《漸漸地》好似。」暗戀推持了67年,直至他上中學就冇再見過對方。

新歌《漸漸地》順利成為Phoebus有份演出的劇集《冥冥之中》插曲。
新歌《漸漸地》順利成為Phoebus有份演出的劇集《冥冥之中》插曲。

 

新歌《漸漸地》MV,Phoebus暗戀對象是《造星IV》Yoyo(葛綽瑤)。
新歌《漸漸地》MV,Phoebus暗戀對象是《造星IV》Yoyo(葛綽瑤)。

 

早前Phoebus跟粉絲聚會宣傳新歌,歌迷有機會扮演 MV女主角。
早前Phoebus跟粉絲聚會宣傳新歌,歌迷有機會扮演 MV女主角。

Tiger「下弦論」講出心聲

提到出歌獲老闆魯庭暉出post鼓勵,Phoebus先深呼吸定神再話:「諗都唔敢諗,我見到呢個post時係拍緊節目,係好驚訝,真係好感動,因為冇諗過魯生一路有咁樣留意自己,同埋佢啲post除咗字面嗰個意思,仲會暗藏啲訊息,睇完係有啲得着,呢樣嘢我一路記喺心,當係一個動力畀自己可以做得更加好。」

Phoebus在雙層巴士舉行跟粉絲聚會,大家一齊遊車河玩遊戲。
Phoebus在雙層巴士舉行跟粉絲聚會,大家一齊遊車河玩遊戲。

 

魯庭暉趁Phoebus出solo在ig公開鼓勵。
魯庭暉趁Phoebus出solo在ig公開鼓勵。

Phoebus承認《造星II》雖然奪冠,但一直被外界拿他與姜濤比較,一度令他好大壓力,早前Tiger@MIRROR的「下弦論」正好講出心聲,「佢講得好好,大家都想做更好畀大睇,但真係無能為力,大家一路對比之下,會好似有個深淵一路好唔開心,因為一路畀緊啲壓力自己要做得更加好,但𠵱家已經出返嚟。」現在的他反而覺得自己幸運,「當然有人覺得我好慘,但係我認識嘅藝人朋友全部都好努力,但係自己嘅努力有人睇到時,係會欣慰同好開心。」

Phoebus已習慣跟P1X3L兄弟拍檔,出solo歌要適應一個人面對。
Phoebus已習慣跟P1X3L兄弟拍檔,出solo歌要適應一個人面對。

 

最近Phoebus在新劇《I SWIM》演出,獲讚夠自然。
最近Phoebus在新劇《I SWIM》演出,獲讚夠自然。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP https://bit.ly/3yLrgYZ