借醉向黃霑拜師做徒弟黃光亮：喺師父身上學識乜嘢叫身教

即時娛樂

更新時間：13:05 2021-09-10 HKT
發佈時間：12:30 2021-09-10 HKT

近年轉拍劇集。

有「影壇四大惡人」之稱的黃光亮因為有一副惡形惡相的面貎，經常演出一些凶神惡煞的角色，但事實上鏡頭後的黃光亮是一個很有書卷味的人，閒時都會看書，與已故的「一代鬼才」黃霑（霑叔）有一段淵源。

早年黃光亮參與不少電影演出。

黃光亮（左）早前接受陳圖十安訪問。

黃光亮早前為陳圖安主持的港台節目《安哥同學會》擔任嘉賓，言談間提到原來霑叔是他的師父：「好多人聽完之後都會諗，突我係咪走去學唱歌或者填詞，但其實唔係，我係喺好細個嗰陣，無端端俾一條友嘅粗口入咗腦，仲要講得鬼咁好聽，嗰個就係黃霑師父！」

他笑說：「呢個人可以有咁多才，但係又可以咁不文，我係深深咁佩服佢，想喺佢身上學到啲嘢，於是咪走去拜師，做黃霑的徒弟，識佢嘅原因，係我同佢喺電影踫過頭，都搵唔到機會。點知有一晚，我哋喺酒廊，大家飲到咁上下，我就跪咗喺度，斟咗三杯酒畀佢，當時好多人睇到，佢又醉咗，所以是但就飲咗，佢想後悔都後悔唔到！」他續說：「不過最後乜鬼都冇學，次次飲到1、2點就打俾佢，問佢瞓咗未，師父就叫我上去佢屋企，開支XO飲，到咗有一次知我成日去卡拉OK唱歌，咪叫我試吓唱首歌！」

黃光亮表示當時霑叔叫他唱《問我》，聽完之後叫我去學聲樂：「佢仲叫我學10堂打鼓，我嗰陣唔知點解，原來師父覺得我一啲節奏都冇，之後又叫我學寫字，大家就咁玩好耐。我仲喺佢身上學到好多嘢，試過喺佢屋企，突然間攞舊嘢出嚟，咁我真係唔識，咪照直同佢講，因為呢個坦承，佢叫我得閒去摩囉街行吓，睇吓啲藝術品，睇見鍾意就要買，返到屋企擺擺吓覺得唔靚就可以唔要，咁樣即係代表你識得欣賞呢啲嘢，知道乜嘢係好嘢，upgrade咗自己，嗰陣真係學咗好多嘢。」黃光亮坦言：「我喺佢身上學識乜嘢叫身教，唔係講道理、邏輯，俾個方法我自己做，如果我唔去唔做，係根本學唔到！」