被李思捷氹掂出山廖偉雄隔17年再演笑片：收1蚊酬勞都拍

更新時間：16:43 2018-01-30 HKT
發佈時間：14:51 2018-01-30 HKT

李思捷自導自演的賀歲電影《一家大晒》，找來狄龍、元秋、蘇玉華、林敏驄、錢小豪、羅家英主演，集合多位演藝圈精英爆笑演出。除了狄龍大哥破天荒演搞笑戲外，另一亮點還有闊別大銀幕多年的「燦哥」廖偉雄。

燦哥對上一部演出的港產片，已經是2001年的《漫畫風雲》，能夠打動燦哥17年後出山拍笑片，片酬只屬其次，重點是導演李思捷交出2百分誠意，才令棄演從商燦哥復出幕前。燦哥表示：「其實思捷畀劇本我睇時，我唔想拍，因為實在冇時間，更加唔想分心拍戲，影響農場的工作，後來思捷專誠到我位於廣州花都的農場找我，誠意十足，想推都推唔甩，但我事先聲明，只有1日檔期可以幫忙拍攝。」

提到酬勞是否很吸引？燦哥坦言就算收1蚊酬勞都會拍：「錢，大家都未傾，事實係我現在不是靠演藝行業搵飯食，多與少不是重點，畀1蚊又好，唔畀都好，我當玩吓客串無所謂。」燦哥仗義相助，李思捷當然識做，安排燦哥飾演自己老闆，辦公室內還有多位比堅尼性感靚女與燦哥做對手戲。

話晒一代笑匠，雖然久未在幕前演出，但燦哥一埋位，搞笑細胞便馬上爆發，李思捷更稱呼燦哥做燦神，他說：「燦神好犀利，值200分，好耐冇睇過佢做呢類戲，狀態依然好fit，做喜劇幽默感好重要，燦神就是天生呢類人，真係好多謝佢幫忙。」除了燦哥出山客串，李思捷的好友蘇永康也專誠來到《一家大晒》現場探班打打氣。