LMF開騷Fans掟玻璃樽傷人　MC仁：掟Bra香艷啲

更新時間：23:13 2016-10-08
發佈時間：20:53 2016-10-08

LMF昨晚於九展開騷，關楚耀、何佩瑜、林保怡、周家怡等到場支持。演唱會中段時，主音MC仁在台上指有fans掟玻璃樽，更掟中一個女仔，要由白車送院治療，他在台上爆粗表示不要有下次，否則會cut騷。
鄭中基則擔任嘉賓，與LMF一齊rap《基哥基哥》，之後更以暴龍哥口吻說：「今日見到你哋好開心，因為你哋係又丟唔係又丟，丟咗十幾年，今次仍然丟出水準來，希望可與大家丟出個未來。」李璨琛則在encore環節現身，MC仁最後說：「有首歌送畀大家，也送畀一個人，佢一樣來自香港，討厭暴力，如果你關心香港，會用任何方法反抗暴力，希望大家將這隻手指送畀這個荒謬的社會。」熒幕即出現朱凱迪的相片，並大唱《揸緊中指》。
LMF事後受訪時稱歌迷不應掟樽，要安全為主。MC仁說：「膠樽都不應掟，更何況是玻璃樽，而且我們都未開始掟，搖滾樂隊應該掟bra，可以香艷點。」又謂現場有天眼，相信能找到兇手。另外，問到可有邀請好友陳子聰睇騷？他們笑稱大家見到就見到，不用請亦請不起對方，要來就會來。（攝影：李樹勳）