爸知弊！你嚟湊吖丨陳展鵬囡囡秒變臉演技盡得爸爸真傳 Cute爆表情包淨化眼睛

即時娛樂

更新時間：18:30 2023-09-16
發佈時間：18:30 2023-09-16

視帝陳展鵬、單文柔（Phoebe）帶同4歲囡囡「小豬比」陳諾瑤（Quinta）參與由黎諾懿及陳敏之主持的TVB實驗性真人騷《爸知弊！你嚟湊吖！》。小豬比在節目中表情多，大受網民歡迎，近將小豬比的截圖製作成表情包，張張相都一樣可愛。

【相關閱讀】：單文柔組「索媽」團為仔女牽紅線？陳敏之相中4歲小豬比想帶回家

【點擊睇陳展鵬囡囡小豬比】：

小豬比初時表現怕醜沒甚反應，陳展鵬唯有扮「恐龍」𠱁囡囡。之後陳展鵬與小豬比接受製作組安排的連番任務，製作組又根據單文柔事先指出的「陳展鵬弱點」進行針對式設計，單文柔笑言：「佢唔識煮嘢食，如果佢湊小豬比，佢真係可能淥杯麵。佢都好似未試過自己單獨湊小豬比，都有啲擔心。」在節目中小豬比多度變臉，表情極之豐富，盡得父母的演藝細胞真傳。

經過首輪熱身任務，小豬比在「接龍大賽」大晒萌爆表情包，包括聽到心儀卡通人物時雙眼放閃點頭畀讚，又連番亂答問題整蠱父母。其中一條「小豬比最唔鍾意做嘅事」，陳展鵬回答：「好多喎！坐定定食飯。」此言一出小豬比即繑起雙手扮嬲，並行使「職權」大派交叉。陳展鵬又應製作組要求爆囡囡口頭禪：「我係咪好搞笑」、「你唔好話我啦」。當小豬比完全進入狀態後，製作組即安排單文柔「偽裝」離開，留下陳展鵬獨自湊女。

表演欲很強

第三輪任務前，陳展鵬需應單文柔要求教小豬比「眼耳口鼻」英文生字，其間小豬比「聽啲唔聽啲」，更出奇不意使出「獅吼功」，嚇到陳展鵬一度「暈倒」。黎諾懿著小豬比表演「機械舞」緩和氣氛，小豬比即表演「好有電」及「冇晒電」版機械舞，跳「冇晒電」版時，小豬比不但刻意慢動作兼梗頸，表情亦由多變活潑變成呆滯，眼神不時流露「求助signal」，相當爆笑。

小豬比的無厘頭「暴走」，又忽然向鏡頭高呼：「我傻傻地呀～」，但兒童心理學博士Rosa認為小豬比有「CEO型性格」。不少網民睇完節目留言：「很開朗，一看父母感情就很好啊」、「性格好好啊，情商也高，一看就家教好、父母感情好，家庭氛圍好」、「我都覺得小豬比好得意好cute淨化眼睛」、「不像4歲人仔，很成熟」、「真係好鬼靈精的小朋友，表情多多，表演欲很強」等。