陳凱琳炮製海鮮大餐兼管接送因一句說話被讚好老婆典範

更新時間：16:00 2023-08-02 HKT
發佈時間：16:00 2023-08-02 HKT

32歲陳凱琳（Grace）與鄭嘉穎因 TVB 劇集《殭》而撻着，兩人在2018年結婚，婚後誕下大仔Rafael、二仔Yannick及細仔Carlos，一家五口幸福滿滿，令最初不睇好這段戀情的人大跌眼鏡！日前傳出鄭嘉穎內地工作身體不適，陳凱琳代夫澄清沒有大礙，為了慰勞老公，陳凱琳素顏去街市買餸，炮製海鮮大餐！

【相關閱讀】：陳凱琳粉紅小背心神還原Barbie芭比喜劇影后同阿Ken相似度高達90%

【點擊睇陳凱琳為老公下廚晒恩愛】：

陳凱琳日前出席完商場活動，素顏look去街市買餸，片中所見，陳凱琳相當熟「架步」，似乎對她一點都沒有難度，陳凱琳說：「老公仔今日就會返嚟，所以趁佢未到埗之前呢就去咗街市，買佢最鍾意嘅東星斑，蒸條靚魚食，師傅仲介紹啲靚蝦，可以煮白灼蝦。老公呢就最鍾意食菜心、菜心苗之類嘅，仲有一樣嘢未買，就係丸喇，因為我老公平時晏晝嘅時候呢，都鍾意淥啲丸呀淥啲麵一齊去食嘅。」跟住陳凱琳更去了代言廣告打卡！

後來陳凱琳揸車去高鐵站接鄭嘉穎，返到屋企後開始準備晚餐，她笑言：「希望老公食完開開心心啦！」鄭嘉穎相當「畀面」：「嘩，多謝老婆！」最後全部食晒，飯後又陪兩個寶貝仔玩，有網民留言讚陳凱琳經常在老公掛在唇邊，是好老婆典範！對於與老公相處之道，陳凱琳坦言他們有時會暫時放低三個囝囝享受二人世界，亦覺得：「諒解、溝通同互相遷就絕對係一段戀愛關係不可或缺嘅元素，更重要嘅係偶爾都要嚟啲驚喜。」鄭嘉穎稱喜歡在日常生活中為對方製造小驚喜，有助感情保持升溫。