容祖兒演唱會丨 自認裙腳女獨居3年難忍有家不得歸 靠吸塵機洗衣液支撐生活
發佈時間：16:30 2023-07-16
容祖兒一連34場《ANOTHER SIDE ......JOEY•MY SECRET•LIVE》昨晚（15日）在演藝學院正式公開演出，因頭場及第二場為粉絲包場及贊助商包場，於是容祖兒便當作是首場演出去做，今次容祖兒帶觀眾遊走她的出生地、讀書經歷、錄音室是她的遊樂場、戀愛、搞笑的烏龍事情及家的溫暖。
【相關閱讀】：容祖兒演唱會丨着短裙半走光大方畀觀眾睇打底褲 爆阿Sa瘋狂介紹男友零過電
【點擊睇容祖兒演唱會】：
容祖兒分享了求愛男的小故事後，現場就開始充滿求婚聲，「嫁畀我！」「我娶你！」「 I MISS YOU BABY」，非常歡樂熱烈，來到點歌時間，祖兒對觀眾說：「今日見到大家好開心，我覺得今晚每次唱完歌嘅掌聲，係最多最豐富....我完全感受到大家每首歌都聽到入咗心，畀我好多力量，唔單止掌聲，仲有瘋癲呼叫聲，仲有瘋狂求婚.....哈哈哈....」
裙腳女難忍有家不得歸
容祖兒坦言過去四年的日子自己成長了不少：「今次重臨舊地，四年再可以喺香港同大家去開演唱會，過去三年我相信每個人都經歷咗好多，係全世界全宇宙最難捱時間，我呢個典型裙腳女，冇得返屋企真係好難捱，平時我喺出面點辛苦點難，點多挑戰，我返到屋企就可以充電，但係前幾年要一個人喺出面獨立生活，工作家務都要一個人處理，唔洗衫冇衫著，洗完唔摺張椅就冇位坐，唔吸塵腳就會黑晒.....我為咗有家嘅感覺，連屋企用開隻洗液都買一樣，等我洗完衫覺得似係屋企。」
她續說：「朋友問我，你唔睇電視你開住個電視做咩？你傻架？一早起身吸塵，然後我先知，係喎，我唔睇電視但係我媽睇，喺香港我每朝阿媽吸塵機聲都係我嘅鬧鐘，冇得返屋企嘅我，就係靠呢啲味道聲音支撐住。今日終於可以重新見到大家，做自己最鐘意嘅事，真係好開心，當日我一個人聽住以下呢首歌跑步，自己歌都打動到自己，落咗兩滴眼淚，以往一直未有時間同大家分享過呢首歌的感受，今日終於都可以，所以請容許我今日唱唯一一首唔係side track 嘅冠軍歌： 《東京人壽》。人生路上，堅持下去，咬實牙關，所有事都會過，多謝大家咁鍾意呢首歌，冇上電台冇宣傳，舊年一派出來就冠軍歌。」
重新編排的《Just for you 》給恩師
此外，演唱會中，祖兒也沒有忘記恩師羅文，重新編排的《Just for you 》是給老師的禮物，她說：「音樂對我來說非常重要，陪伴我渡過好多脆弱時間，細細個好鍾意王菲、Leon 大家都知，好多流行歌曲俾咗我養份，多謝喺我人生中出現過的音樂上好夥伴，希望日後我可以繼續為大家提供好多好多好歌，陪伴你哋所有最好時光。 」
【其他文章】：
蔡卓妍陪完阿爸遊泰即與餅印媽「姊妹出巡」去瑞士 仲分身同容祖兒慶生
容祖兒演唱㑹2023丨相隔4年再開騷門票今早發售即秒殺 呼籲歌迷到社交網留言點歌
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
