03年港姐20周年飯敍 當年大熱佳麗變化逐個睇！陳榕梅郭穎思晒凍齡靚樣
發佈時間：09:00 2023-06-21
2003年港姐冠軍曹敏莉活躍於慧妍雅集活動，與其他港姐一向關係友好，跟同屆亞軍楊洛婷、季軍戚黛黛更是好閨蜜，不時相約飯局。昨日（20日）曹敏莉在IG Story貼相，表示正在前往一個很特別的聚會，原來是2003年港姐的飯敍，慶祝參選20周年，當中更有不少未有現身幕前的佳麗！
【相關閱讀】：1993年港姐重聚賀30周年！亞軍林麗薇凍齡唔輸郭可盈 大熱倒灶佳麗暴脹勁難認
【點擊睇2003年大熱港姐變化逐個睇】：
曹敏莉昨日在IG Story分享與一班佳麗聚會的照片，見她與楊洛婷、戚黛黛一同舉杯慶祝，前面還有寫上20周年快樂的蛋糕。另一張照片則是8個佳麗大合照，個個依然勁fit，氣質爆棚！除曹敏莉、楊洛婷、戚黛黛外，同行還有陳榕梅、鄧沅叞（前名鄧源慧）、林詩慧、郭穎思、詹德貞等久未在幕前公開露面的港姐；不過未見現時仍活躍於幕前的李施嬅及吳幸美。
楊洛婷接受《星島頭條》訪問，分享靚相外，還透露港姐聚會實況：「為咗隆重其事，我哋特別整咗啲裝飾，請咗個攝影師幫我哋影輯靚相，揀咗間佈置好靚嘅餐廳，大家都襯晒黑色衫，有埋蛋糕慶祝。我哋都好開心，因為真係好多年冇見，有啲對上一次見面已經係15周年。」楊洛婷還表示今次聚會勾起當年回憶，還大讚個個都好fit：「我記得我哋當年選港姐，我哋啲保姆話我哋好擦得，食好多嘢。見到大家反而覺得fit咗，好多都生咗兩個，甚至三個，但依然keep得好fit；不過食嘢依然好擦得，食咗好多海鮮又鋸扒，好多回憶都返番嚟。」
楊洛婷老公Tim操刀影靚相
楊洛婷亦透露老公Tim特別為她與曹敏莉、戚黛黛三個冠亞季軍特別影了一輯靚相，她語氣甜蜜說：「係我老公特登幫我哋三個冠亞季影嘅靚相。影呢輯相都係記念我哋20周年，咁啱遇到雷暴，啲相都有啲暗，我哋由出面影到裏面。呢個年份都好值得紀念，估唔到已經20年，時間過得好快。因為係《香港小姐》，特別揀返有維港景嘅酒店影相，可惜太濛影唔到。」
楊洛婷之後在IG亦有分享靚相，並以英文撰寫長文：「回望2003年，我從未想像過那一年對我人生的影響如此之大。」她表示當年離開家人從溫哥華到香港參選港姐感覺像是一場大冒險。原本只是放暑假，卻在香港過新生活，慶幸自己遇到成為家人般的港姐朋友，還有遇到一生至愛老公Tim。
【相關閱讀】：
中年好聲音2 丨港姐幫戚黛黛關伊彤人到中年堅持追夢： 呢個係我嘅最後機會
楊洛婷露小蠻腰慶42歲生日 唔認老扮24歲遭老公踢爆一舉止即刻冧番
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
