蔡卓妍半透裝孖家人出遊揭童顏秘密關嫲嫲事 Sa爸撞樣名人成焦點

更新時間：18:00 2023-06-07
發佈時間：18:00 2023-06-07

40歲蔡卓妍（阿Sa）最近難得放長假，於是與家人來個Family trip，上周她更激罕大晒橙黃色一件頭靚相，獲網民大讚她恍如「凍齡」，外貌與身形跟廿多年前初出道一樣！今日（7日）蔡卓妍再於社交網貼出旅行照，當中揭露了她童顏秘密，原來是跟九旬嫲嫲有關！

【相關閱讀】：蔡卓妍激罕晒泳裝照躺浮床騷完美S型身段網民驚嘆超凍齡：似小朋友

【點擊睇蔡卓妍一家】：

蔡卓妍貼出多張家人合照，並寫道：「旅行點滴～嫲嫲、表姐s、我 #四朵金花～我老豆瘦咗，又健康咗～嫲嫲同舅公，一個90幾，一個80幾，兩個又行得又食得又瞓得，好勁！#呢啲基因應該有遺傳畀我啩 #familytrip」相中，蔡卓妍父親（Sa爸）一貫戴着黑超兼留「二撇雞」，一身黑Tee及牛仔褲非常鬆身，明顯比以往瘦了一圈，不少網民都覺得他與林子祥愈來愈似樣。

此外，蔡卓妍亦罕有大晒嫲嫲及兩名表姐的合照，雖然Sa嫲嫲已年過90，但仍精神飽滿好肉地，仲全程自己撐住拐杖周圍走，步履矯健又精靈，有網民就笑指蔡卓妍的童顏基因原來遺傳自嫲嫲：「一家人好像都不會老呢」、「好勁呀『九十後』仲咁精神可以搭飛機可以旅行」、「奶奶身體好棒」等，相中亦可見蔡卓妍穿上白色透視Crop Tee、襯牛仔短裙及襪仔波鞋，令內裏的花花Bra若隱若現，相當性感，一班粉絲都讚她打扮好青春：「40仲咁少女味」、「今年18歲嗎」。