童星黃可盈暴風式成長遊泰大晒長腿驚喜現身Edan@MIRROR新歌MV展舞技

更新時間：22:30 2023-05-24
發佈時間：22:30 2023-05-24

童星出身的18歲黃可盈曾參演不少TVB劇，包括《點解阿Sir係阿Sir》、《飛虎2》、《巾幗梟雄之諜血長天》、《白色強人》、《降魔的2.0》等，是不少童年角色的御用演員，直到近年在《星空下的仁醫》及《法言人》中，分別演未成年懷孕少女及康華患癌女兒而引起關注，不少網民都發現她成長不少。私下跟一般少女無異的黃可盈，平日也會於IG分享日常生活，最近她飛赴泰國旅行，其間不忘貼出吃喝玩樂打卡照，穿白色吊帶小背心襯熱褲的她大騷長腿之餘，件針織外套仔更刻意跌晒膊，讓Fit爆身材表露無遺，獲網民大讚女大十八變：「愈嚟愈靚」、「absolutely gorgeous」。

【點擊睇黃可盈靚相】：

男團MIRROR成員Edan（呂爵安）的新歌《ChatMrE》MV本月初上架，原來黃可盈亦有演出中學生一角，穿上運動服兼綁馬尾的她更大晒舞技，青春無敵！日前，黃可盈於IG貼出拍攝花絮，以及與Edan的合照，她寫道：「好開心有份參與呢個MV，首歌好好聽，@edanlui 好nice！」並感激一班幕後的信任和鼓勵，黃可盈續說：「呢次MV拍攝有好多難忘經驗，有一幕係我嘅個人喊戲。喊戲雖然演過好多次，但一路喊一路寫字都係第一次，當時係度（到）諗要寫乜嘢喺個排球上面，又要一路諗住點樣繼續喊，個腦勁混亂，喊咗大約兩三分鐘，鼻涕都爭啲滴埋出嚟，好彩導演即刻嗌cut，第一時間收番啲鼻涕。」不少「爵屎」（Edan粉絲暱稱）睇完都大嘆羨慕。

黃可盈自5歲開始做童星，2009年曾跟毛舜筠一起拍廣告，之後演過劇集、電影和教育電視。現為大學生的她曾就讀迦密中學，動靜皆宜，除了曾是香港兒童合唱團成員外，同時考獲英國皇家音樂學院八級鋼琴資格，並懂得彈結他、跳舞和繪畫等，更在不同比賽中奪獎，絕對是多才多藝。