區永權第4度遭惡鄰高空擲物！露台驚現成地玻璃碎遭勸搵《東張西望》：自己訪問自己

更新時間：20:16 2023-05-22
發佈時間：20:16 2023-05-22

《東張西望》主持區永權平時在節目上報導不少觀眾遭惡鄰滋擾的問題，但原來他本人亦是苦主。區永權於去年開始，就多次自爆露台發現「天降」雜物，曾向樓上鄰居理論，卻遭對方無禮對待，管理員幫忙都沒有用，亦找過管理處投訴，情況一樣沒有改善。今日（22日）區永權第4度遭惡鄰高空擲物，更於IG分享照片及影片，露台有多達逾10粒玻璃碎，如果擲中人隨時受傷。

【相關閱讀】：區永權大仔迎12歲愈大愈似爸爸眼大大好靚仔散發星味

【點擊睇區永權寓所再被高空擲物】：

其實區永權過去已3次自爆遭樓上住戶高空擲物，「空降」到他露台的物件包括：吸塵機棍、雨傘、索帶、大型螺絲釘、新鮮牛肉、煙頭等，其中雨傘從天而降更導致他露台地磚破裂。一向愛錫家人的區永權，時時都擔心高空擲物會擲中家人。

區永權今日（22日）於IG分享樓上鄰居再次高空擲物，而這次是玻璃碎，他生氣表示：「（玻璃碎）仲唔止一粒，係為數超過10粒嘅玻璃碎，從天而降，降落喺我屋企個露台！😱 其實高空擲物，對於我家嚟講，都已經唔係新鮮事。但係充滿殺傷力個玻璃碎，都真係第一次！唯一能夠自我安慰嘅，係今次都無造成任何人受傷！無論你係有心？定係無意？請好自為之！我已經報咗警！😡」

不少網民看到區永權再被高空擲物，多位網民同時勸他向他有份主持的《東張西望》報料，「一定要報埋《東張》」、「張西望幫到你，叫埋一蚊Joe採訪」、「可以報《東張》，自己訪問返自己」，亦有網民看到照片都覺得危險：「雖然係細粒，但高空跌落黎打到頭就分分鐘爆頭。」