孫慧雪孕期剩兩個月感冒拖到變氣管炎耳炎兼鼻竇炎 一邊耳仔仲聽唔到嘢
發佈時間：20:30 2023-05-16
40歲孫慧雪與富二代羅天彥（Edwin Lo）婚後育有一子Riley，到了今年大年初七再度報喜，宣佈陀第二胎！不過孫慧雪陀B日子認真困難從從，本來就有婦科病的她，因懷孕初期不幸出現出血情況，需要每晚到醫院打安胎針，粗略估計捱打逾40支安胎針。雖然懷孕只有29周，但孕肚相當巨大，腰圍有42吋，已經變得「見唔到腳趾」！今日孫慧雪又IG撰文，因為一場小小的感冒，前前後後足足病了十多日，甚至拖到變了氣管炎、耳炎、鼻竇炎：「而家我一邊耳仔聽唔到嘢！」
【點擊睇孫慧雪晒42吋巨肚】：
最近正值是流感高峰期，孫慧雪稱本來一直很驕傲自己無病到，殊不知因朋友的小朋友到訪家中便失手中招， 她說：「原來佢感冒啱啱起，大家都唔察覺！過咗2日，我就喉嚨開始痛，但因為懷孕，只敢食普通必理痛，諗住捱下捱下就好返，但孕婦免疫力真係比一般人低，我足足病咗十幾日，從來未試過咁辛苦。」
孫慧雪稱第一個星期，每晚咳通宵，咳到朝早六點無力才可以瞓到：「我以為自己中咗流感或者covid，繼續咁覺得好唔掂，去咗睇呼吸道專科，先知自己拖到變咗氣管炎+耳炎+鼻竇炎，結果要食一啲輕又唔影響BB嘅藥先有好轉！而家我一邊耳仔聽唔到嘢！睇咗2位耳鼻喉專科醫生，一位叫我等，另一位就幫我洗鼻再開咗比較強嘅抗生素俾我。考慮完，我都係唔食住，而家等隻耳自己復原！希望快啲聽得返嘢！所以呢2個月，我邊度都唔去！各位懷孕中嘅媽媽都小心呀！小小感冒都可以好大件事！加油加油」
【其他閱讀】：
52歲宣萱以腳代手倒數罕晒零皺皮白滑腳板底 男團成員激讚腳趾靚
金曲獎34丨G.E.M.鄧紫棋失落歌后爭製作人獎 兩首廣東歌入圍最佳作詞人
全民造星V丨花姐卸任監製因節目已經冇意義 Jay Fung不忍阻人追夢遭反問：定係辭職呀？
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
