東張西望丨羅毓儀重返母校爆喊後嗌唔捨得證件相激罕曝光自嘲生無可戀樣

更新時間：16:00 2023-05-16
發佈時間：16:00 2023-05-16

TVB小花羅毓儀（Yuki）入行兩年憑童顏外表得到不少演出的機會，去年在台慶劇《下流上車族》飾演林敏驄細女車蔓蔓後迅速上位，本身熱愛音樂的羅毓儀，最近更被公司睇中簽約成為旗下歌手，一圓歌手夢！昨晚《東張西望》報道位於黃大仙的獻主會溥仁小學，因為小一收生尚欠一名學生，而要面臨殺校的情況；原來羅毓儀是該校2008年畢業生，回想當日在校園的生活，她熱淚盈眶說：「所有嘢都會唔捨得啩！我而家有啲後悔，點解唔返嚟多啲？」

【點擊睇羅毓儀重返母校相】：

雖然離開學校已經是10多年的事，不過重踏母校後，羅毓儀心情很雀躍，除了探望老師外，看到自己的學生照，笑指自己有點生無可戀的感覺；去到圖書館更加大吃一驚：「同我細個時，環境完全唔同！媽咪係家教會嘅一分子，當時搞咗個活動『故事媽媽』，係邀請家長過嚟圖書館講故事畀小朋友聽，我好有回憶，當時同學叫我媽媽做『麵包超人』，好搞笑㗎！」羅毓儀而家個樣以前嘅分別唔大，童顏不變！

羅毓儀又稱自己的小學生活，6年以來都被編入C班，重踏6C班房，羅毓儀笑言與以前已經不一樣，她感觸地說：「呢間絕對唔係名校，呢間係屋邨學校。我知道好多家長或者小朋友嘅目標係要入名校...呢間學校可以令到你變得...正確（觀念），細個嘅時候覺得成績好緊要，大個咗就覺得人情味，又或者點樣正念地面對一啲難題，先係最重要。」當主持人問到假如母校真的被「殺」，羅毓儀突然沉默了一會，接着雙眼通紅地說：「所有嘢都會唔捨得啩！我而家有啲後悔，點解唔返嚟多啲？」