古巨基3歲囝囝手舞足蹈配趣怪表情跳勁舞擘腿仲識定點擺甫士曾獲星爺認證是尹天仇接班人

古巨基3歲囝囝手舞足蹈配趣怪表情跳勁舞擘腿仲識定點擺甫士獲星爺認證是尹天仇接班人

更新時間：21:00 2023-05-15
發佈時間：21:00 2023-05-15

現年50歲的古巨基自從2014年與經理人Lorraine結束20年愛情長跑後，直至2020年才榮升做爸爸，自此便較少在幕前演出，並經常在社交網分享囝囝Kuson的生活點滴。三歲的Kuson非常得意可愛，繼早前周星馳（星爺）上身，變身「喜劇之王」後，昨晚（14日）古巨基又上載了一條Kuson跳舞的片段，並指為母親節禮物，原來Kuson甚有跳舞天份，甚至比爸爸更跳得，難怪古巨基也笑言：「我個仔真係好鍾意跳舞」。

【點擊睇古巨基囝囝跳舞叻過爸爸】：

作為Kuson今年送給媽媽的母親節禮物，古巨基形容為「係勁舞Dancing King表演」！只見與爸爸如同餅印的Kuson穿上短身牛仔褸，加件紅色Tee，配上闊褲波鞋起舞，跳得有板有眼，表情動作配合得天衣無縫，而且一氣呵成，古巨基也甘拜下風稱：「#3歲嘅古晋匡而家每日都忍唔住要跳舞#跳舞細胞勁過老豆（竇）」，更在IG Story改用自己當年在叱咤奪男歌手金獎哭着說的金句「我真係好鍾意唱歌」，改為「我個仔真係好鍾意跳舞」。網民都指Kuson與古巨基極為似樣，笑言：「成個迷你版古巨基跳緊舞咁😂」、「跳得好正，迷你基仔😂」、「其實基仔你係咪播緊自己小時候既（嘅）片 🤭🤣」。

Kuson既有表演慾，亦有演藝天份，早前古巨基拍片叫Kuson說「新年快樂」，Kuson隨即像周星馳般做出多個趣怪表情，又發出不同怪聲，十分鬼馬可愛。當時基仔寫道：「我屋企有個喜劇之王，事緣前幾日叫Kuson錄『新年快樂』俾爺爺嫲嫲，點知佢做咗7個表情8種內心戲俾我，我突然諗起星爺喺《喜劇之王》嘅一段戲。」基仔更將兒子的動態與周星馳在《喜劇之王》的電影情節作對比，周星馳在其IG Story轉貼這段片，並留言：「尹天仇有接班人喇！」