極度俏郎君丨「御用人質」宣萱難逃宿命 一劇連被綁三次網民爭取成立關注組
發佈時間：10:00 2023-05-10
宣萱在1992年因為拍電視廣告而入行，參與過不少劇集的她，自1994年在處境劇《餐餐有宋家》開始，幾乎飾演的大部份角色，無論是古裝劇、時裝劇抑或電影中均被綁架，粗略估計最少有27次被綁架的紀錄，曾被網民封為TVB「御用人質」！雖然宣萱近年回復自由身，嘗試演出不同角色，但依然未能打破被綁架這個宿命。最近宣萱在ViuTV新劇《極度俏朗君》上，已經先後被綁架三次，有網民戲言想為宣萱爭取「在劇集中被綁架次數最多的世界紀錄」以及「關注宣萱劇集被綁架關注組」！
【其他閱讀】：盤點5位屢誤傳死訊藝人丨成龍一周「死」三次感無奈 「刀仔」老友傳癌逝原來早已移居
【點擊睇「御用人質」宣萱歷年被綁演出】：
在前晚播出的《極度俏朗君》，張慧儀覺得宣萱的出現，令姜皓文一直不愛她，於是決心了斷宣萱，不過姜皓文趕及救宣萱的同時，直言一早已經將張慧儀視為最好的朋友，再無男女之情！有網民睇之後就話唔使睇劇情，反而關注宣萱又被綁架這個宿命，有人說：「去到邊度都俾人綁」、「真係要申請，我相信無人破佢紀錄」、「估唔到離開無綫都仲要」！
其實過往宣萱在劇中已被挾持27次，紀錄至今未有人能破，有人笑言「有宣萱的地方就有綁架發生」，最抵死每次她被綁架的招式次次都有唔同，一時被刀仔、原子筆架頸、又試過被綁住喺海中嘅柱、連遭「五花大綁」都試過，可謂經驗老到！
宣萱曾經在訪問上表示，最難忘在劇中被綁架一幕是拍《雷霆第一關》：「劇情講我哋開船出去，我被綁喺木樁上，但埋去睇到全部木樁都有水蟑螂，我係好驚。駛近木樁時我同劇組講唔得，佢哋就話你唔使驚，一埋去佢哋就會走晒。」她又稱試過因有「御用人質」的稱號，拍《使徒行者2》特意為加了綁架戲份。《陀槍師姐2021》有場戲被韋家雄持刀威脅，宣萱驚青話對方：「我做乜要過嚟？唔通你想捉我做人質？我做乜要做人質？乜我個樣好似人質咩？我唔會再做人質⋯⋯死都唔會再做人質！」有人覺得係多年來做人質的心聲。
【其他閱讀】：
陸永老婆Reina闊別IG四年突現身網民認唔到 兩個女愈大愈靚似十足媽咪
43歲葉璇新古裝劇演18歲少女嚇親網民 現皺紋雙下巴仲扁嘴扮可愛
陳茵媺陳豪難得撐枱腳似熱戀小情人 疑似素顏上陣魚尾紋大爆發依然省鏡
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
