陸永嬌妻神隱4年突現身暴瘦網民認唔到兩個囡囡愈大愈靚似十足媽咪

更新時間：13:30 2023-05-09
發佈時間：13:30 2023-05-09

「農夫」今年主力北上開騷掘金，留下靚靚老婆Reina（陳莉娜）及兩個女兒留港，太太年初亦有北上撐場。Reina自四年前起甚少更新IG，似跟隨老公的腳步，轉戰內地社交平台，不過她上月底重新在IG上載生活日常，頭炮以寵物照片為主。她昨日（8日）又上載與林盛斌（Bob）太太黃乙頤及容羨媛等多家人預祝母親節的照片，網民指久未露面的Reina太瘦。她其後再Po出三母女的合照，兩個女兒長大不少，更愈大愈靚，不過網民卻笑指Reina竟然逆生長。

【點擊睇陸永老婆靚相】：

32歲的Reina外貌標緻可人，網民都很葡萄陸永能娶得嬌妻，兩個女兒Hannah和Simsim也遺傳得媽媽的良好基因，自小已被外界讚又靚又可愛。以往陸永兩夫婦經常晒出一家四口的照片，但近年大幅減少，甚至已幾年沒更新IG。直至昨日，Reina終於難得露面，上載與林盛斌老婆、容羨媛及另外兩位圈外媽媽級好友，五家人預祝母親節的照片，Reina依然索爆，更搞笑配文：「#失蹤得太耐#我要現身了」，網民雖讚她都好靚女，但就指她瘦到唔同樣，留言：「瘦到差啲認唔到」「你越嚟越瘦咁嘅，塊面尖晒」。

從曝光的大合照所見，這次大聚會約有20人，陸永與Bob等幾位男士齊切乳豬，除Reina難得現身外，兩名女兒也有正面照，大女Hannah更比媽咪高。Reina其後再Po出一張三母女的照片，稱是難得的合照，因兩個女兒像爸爸一樣愛搞怪，Reina笑指：「#佢哋唔正經同我影相#我就晒啲最樣衰嘅出嚟#等啲同學同朋友嚟就會見到佢哋嘅衰樣」，只見兩人已亭亭玉立，五官也愈來愈似媽咪，不過網民卻笑言「2個女就黎（嚟）老過你」、「你望落似佢哋家姐🤭兩個妹愈大愈少女味濃❤️」。