中年好聲音｜吳大強父子檔首度同台合唱吳偉豪有望同爸爸演對手戲？

更新時間：13:15 2023-05-06
發佈時間：13:15 2023-05-06

ViuTV明晚（7日）舉行《Chill Club推介榜年度推介22/23》，TVB亦嚴陣以待以特備節目《中年好聲音紅白大戰》對撼，節目組早前從《中年好聲音》的26強參賽者中，挑選出九男九女並分別組成男團、女團大決鬥，包括女子組的李佳、龍婷、支嚳儀、曹敏寶、林鉫偉、陳早怡、李思林、梁鎧庭、李泇霖，以及男子組的周吉佩、羅啟豪、吳大強、顏志恒、丁文俊、涂家堯、魏嘉信、梁浩銓、何博文，另蘇永康、JW（王灝兒）、吳偉豪和謝東閔也會加入戰團！

【相關閱讀】：中年好聲音｜吳大強71歲追夢成大熱三仔吳偉豪獲TVB力捧五父子顏值爆表引關注

【點擊睇《紅白大戰》搶先看】：

近日季軍羅啟豪率先自揭已簽約TVB成為旗下藝人，吳大強早前亦向傳媒坦承正考慮加入娛樂圈，目前則先做好下周六、日（13、14日）舉行的《中年好聲音夢想成真演唱會》。不過日前接受《無綫娛樂新聞報道》時，吳偉豪就率先爆父親吳大強獲處境劇《愛回家之開心速遞》招手：「我知道《愛回家》係有啲安排，至於個程度、幾時，同埋會唔會真係發生呢，就真係要密切留意喇。」身旁的吳大強謙稱：「佢哋仲要睇我得唔得先，我驚食螺絲。」吳偉豪聞言即鼓勵爸爸：「你得嘅！」

另期待已久的吳氏父子檔，明晚將首度同台合唱《Nothing's Gonna Change My Love for You》，吳偉豪笑言：「我啲震音都係跟爸爸學番嚟，唔知震得好冇聽，但我有嘗試去震，唔知大家聽唔聽到，哈哈。」被問到可有考慮跟四名兒子一同演出？吳大強直言：「有諗過，但要好多時間安排，佢哋又要返工、有啲又唔喺度，但有心唔怕遲，只要安排到、大家又有呢個心就可以夢想成真。」