東張西望丨愛民邨住戶遭陌生男闖入屋小解 問「咩事？」唔回應臨走仲講唔該
發佈時間：22:00 2023-05-02
TVB節目東《東張西望》今日報道一單屋邨「奇案」，有何文田愛民邨住戶兒子唐先生投訴，無端端有陌生男子闖入家中去廁所小解。唐先生透露媽媽一人獨居於愛民邨信民樓一個高層單位，由於媽媽是長期病患者，所以家中安置了六台閉路電視方便監察媽媽狀況，因而碰巧紀錄當時情況。
【相關閱讀】：東張西望丨83歲婆婆被兩女兒硬搶320萬公屋！呃完業權仲唔畀阿媽返屋企 不孝女威嚇兄弟好惡死
【點擊睇年輕男闖公屋小解】：
唐先生表示事發於上月26日約下午1時發生，當時他正打算與媽媽出外用膳：「有個20幾歲後生仔，喺𨋢口大叫衝過嚟，當時媽媽冇晒反應，我都呆咗，我問佢咩事，係咪抄錶。但睇佢又唔似，佢又唔應我，跟住佢去廁所除褲想屙尿，跟住佢攞返個背囊諗住走。」
閉路電視片段見到當時唐先生正與媽媽剛步出鐵閘，突然有一名身穿白Tee，背着背囊的年輕男子直走入屋，當時唐先生不斷問對方：「咩事？」不過該男子並無回應，而是放下背囊直接走入廁所。另一個角度的片段更見到該男子疑似一邊除開褲頭，一邊行入廁所，而唐先生則緊跟其後，打算截停對方，並繼續問：「你係邊位？」唐先生還拿起手機拍下該男子的小解照片，然後該男子就出去取回背囊離開，臨走還向唐先生說：「Thank you。」
當時唐先生立刻報警，他表示警察當時指會上樓巡邏，着母子可先以先外出用餐，不過唐先生說：「之後冇咗件事，又冇畀報案編號我哋。」後來唐先生再向保安查詢：「佢話警察走咗，冇捉到嗰個人。」由於唐先生媽媽居於高層，他們對事件感到想當震驚，唐先生怒斥保安有漏洞：「呢個人我住幾十年都冇見過，我懷疑唔係呢棟大皴，我覺得保安方面應該要問清楚，今次入嚟就話去廁所，下次入嚟都唔知會咩事。」
【其他閱讀】：
許冠傑邀MC Jin夾Band得意孫仔打拍子 獨立屋豪宅曝光有大花園充滿豹紋裝飾
向華強豪買幾百部車送粉絲賀向太再帶貨 內地網民激讚靚仔似「不老」鄭少秋
Met Gala 2023丨宋慧喬楊紫瓊相隔14年再同場勁凍齡 何超鳳優雅裝束拖小鮮肉現身
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
