張紋嘉忽然升Cup拋胸大晒3吋事業線自貼黑圖慶HotCha 16周年惹「加工」疑雲

更新時間：20:30 2023-04-12
發佈時間：20:30 2023-04-12

37歲張紋嘉（Crystal）是前女子組合HotCha成員，她與另外兩位隊員黎美言（Winkie）和張惠雅（Regen）於2007年4月以女團身份出道，當年擅長跳舞的三人推出不少Hit爆快歌，包括《Vanilla》、《不要防曬》及《You Are My Best Friend》等，惜成軍7年便拆夥，之後各自在不同方面發展。日前趁出道16周年，Crystal於社交平台自晒陳年「黑圖」，瞬間勾起不少粉絲回憶。

【點擊睇張紋嘉性感相】：

張紋嘉一口氣上載了舊照，除了驚見「冬菇頭」造型、箍牙「嘴凸凸」青澀樣外，亦不乏青春小背心晒長腿照，不過掀起最多話題的，是MIRROR成員邱士縉（Stanley）竟現身其中一張相之中，原來Stanley出道前曾任HotCha舞蹈員，他睇見自己的出土照即留言：「呢個係我人生第一個跳嘅MV。」

對於張紋嘉自挖黑歷史，一眾網民笑指每張都好震撼，更嘲諷她一身Y2K造型「由頭落到去腳趾尾，一直都走在潮流的尖端」，亦有不少網民大讚她愈大愈靚，張紋嘉則謂：「我真係無整容！只係箍咗牙……而家望番真係唔明白，點解我咁嘅樣箍住牙，大家都要我出道~ 我當時見到人地（哋）個個都好靚，我平日完全唔想笑唔想講嘢。但我每日就係要笑要講嘢要唱歌要跳舞，仲要明知當時每拍一個MV，我呢個樣就會留一世。而家大個，我睇番我當然可以得啖笑啦，但係當時嘅心理陰影面積真係應該好大。」

事隔數日，Crystal再公開一輯性感新相，她寫道：「這些相，機心很重，可惜心不夠重。 #黑圖後要搵番啲信心」相中，僅穿黑色Bra笠牛仔褸的張紋嘉，激罕拋胸大晒三吋事業線，忽然上圍升Cup的她令一班網民睇到眼凸凸，仲紛紛大叫：「超索」、「好心動」、「殺死人咩」，有人更笑問：「我可以證明你無整容，不過係咪整咗其他嘢？」

單飛後，Crystal曾推出Solo歌曲及書籍，近年則活躍影視圈及舞台劇界，先後參演ViuTV劇《大叔的愛》、《太平紋身店》和《百萬同居計劃》，以及綜藝節目《調教你男友》和《小食上大檯》等，去年更為電影《緣路山旮旯》擔正。