百歲梅媽斥梅啟明「唔好好似癲狗咁」 下通牒再周圍搞人：阿媽係唔會原諒你！
發佈時間：14:30 2023-04-06
「遺產界KOL」梅啟明上月23日在銅鑼灣餐廳工作期間，不慎跌傷送院，留醫13日的梅啟明，出院第一件事坐上的士往聖保祿醫院找梅媽（梅覃美金），揚言要「炒」梅媽的近身私家看護，力數對方封鎖消息、偷錢、待薄梅媽等三宗罪！不過梅啟明遭到梅媽接見，一度硬闖上病房，但保安攔截，梅啟明隨即發爛渣，指醫院禁錮病人，要求見護士長，病人聯絡主任向梅啟明表示若有懷疑病人遭禁固，可以報警，強調只是為病人向他轉達訊息，最後驚動警察到場，警察代梅媽向兒子稱暫時不想被人打擾休養，希望他早日康復，行正途及積極正面做人，待養好身子就會見他，不要到醫院影響其他病人。雖然梅啟明多番致電給梅媽，但多次被「cut 線」，其後梅媽亦有接受傳媒訪問，，梅媽堅決拒見兒子︰「佢改番做好人，我就會見佢，唔好好似癲狗咁，佢咁做我好痛心！人可以變，月可以圓，變返好我先見佢，唔改咪唔好見囉。」
【相關閱讀】：
梅啟明出院精神奕奕即搭的士搵梅媽 求見被拒大鬧醫院發爛渣推撞保安
【點擊重溫遺產界KOL過往瘋狂行徑】：
梅媽在今年農曆二月已經踏入100歲，當時因為不想梅啟明搞亂檔，於是一班朋友到醫院為她慶祝，百歲的梅媽中氣十足，對梅啟明曾多次提及其泰籍女友曾獲梅媽接見，而且更聲稱「係我阿媽嗌我出院就去搵佢」，梅媽坦言最初誤認泰妹是舊朋友，現在知道是泰妹後，梅媽直言不會見：「除非阿明會改變，否則佢一世都唔好見。」梅媽稱阿明只要冇錢用，就周圍問人俾錢：「佢唔好成日鬧呢個鬧嗰個，無用㗎，只會乞人憎。唔止鄭姑娘，佢係人都鬧。咁乞人憎係自己造成，無人睬佢。」她又稱自己在醫院的膳食好好，絕非「無啖好食」。
如今梅媽能長命百歲，她笑稱上天給予的接受，不過想到二子梅德明、梅愛芳和梅艷芳兩個女兒 先後離世，她傷感地說：「喺我度出嘅四個，三個都走咗，點解三個好嘅就走咗，我嘅痛苦就係咁樣。」
今早梅媽再致電網上節目主持潘小文，潘小文轉述梅媽的說話：「佢話叫梅啟明唔好搞咁多嘢，搞咁嘢令到阿媽好唔開心，而家佢做嘅每一嘢，都令到梅媽好心痛，希望佢可以踏實啲做事，做返個好人。」接着再說：「如果你好好做人，阿媽都會原諒你，如果繼續周圍搞人，搞呢個搞嗰個，阿媽係唔會原諒你！」
【其他閱讀】：
白眉李克勤與陳貝兒聚會 49歲盧淑儀超強V臉加手臂結實似少女
亞視一姐處女MV逐格睇 阿儀狂loop「係你嘅小baby」勁洗腦 網民讚係娛圈清泉
黎耀祥孖愛妻內地甜蜜賞櫻食好西 三屆視帝北上發展微服出巡居然冇人識？
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
