陳展鵬愛女小豬比4歲生日星媽帶仔出動對親家與兩位星二代陷「三角戀」？

更新時間：20:30 2023-03-28
發佈時間：20:30 2023-03-28

現年46歲的陳展鵬與單文柔（Phoebe）於2018年結婚，翌年誕下愛女「小豬比」陳諾瑤（Quinta），轉眼小豬比已經4歲，近日陳氏夫婦則為囡囡大搞生日P，更誠邀一眾「星二代」到LEGO室內遊樂場大玩特玩。事後單文柔於社交網貼出派對合照，並寫到：「好開心，今個月喺小豬比月#3.24，一連串生日活動，彌補之前可以同朋友歡聚嘅時光！眨吓眼已經四歲，今年係小豬比第一年開生日party！佢期待咗好耐，生日之前有啲小插曲，病了幾日，好彩最後都可以順利舉行！YEAH!!! 好多謝咁多位朋友嚟Quinta生日party！希望每一位小朋友都身體健康，學業進步。」

【點擊睇小豬比萌照】：

當日，不少圈中好友都帶埋仔女出席，包括胡杏兒與大仔李奕霆（Brendan）及二仔李奕霖（Ryan）、陳敏之及兒子雷子樂、楊潮凱夫婦及女兒楊心悅（Catherine）等，還有跟陳展鵬因合拍TVB劇《張保仔》傳出緋聞的陳凱琳與大仔鄭承悅（Rafael）。席間，小豬比與同齡的Rafael特別啱玩之餘，二人更不約而同穿上牛仔衫，變相「情侶裝」襯到絕，未料大合照時卻來個大逆轉，小豬比竟拖實5歲大哥哥Brendan手仔，仲收起平日古靈精怪表情，一臉怕醜Cute到爆！

想不到單文柔今次都乘機揀女婿，她於IG打趣留言：「Little Boyfriend 1,2,3… 不分先後次序。Quinta自由成長，但唔知長大後，拖其他男仔，Papa Chan會唔會有酸溜溜嘅心情？Mama Chan抱住食花生嘅觀望態度。」對此有網民即指：「同Brendan好襯」、「Quinta好似係拖住胡杏兒個仔喔，可以對親家喇」，同時不少網民都認為陳展鵬將來會是個「呷醋外父」：「Papa Chan一定會呷醋」、「Papa Chan一定金睛火眼」、「到時女大女世界，爸爸不能管了」。