素海霖公開素顏照痘痘暴現唔同晒樣「加工」謠言瘋傳網民質疑：個鼻整過

更新時間：14:00 2023-03-23
發佈時間：14:00 2023-03-23

現年25歲的素海霖（Erena）近日以絵麗奈（繪麗奈）之名進軍日本AV界，成為首位「港產AV女優」，消息即時掀起網上熱討，當中不少網民質疑她的靚樣是經「後天加工」，雖然素海霖受訪時已再三否認，大讚日本化妝技術媲美整容，又感激日本團隊把她化成日本女仔Look，但仍未平息外間的爭議。今日（23日）凌晨，素海霖則於社交網公開素顏真面目，力證外貌「全天然」零添加！

【點擊睇素海霖反擊網民】：

素海霖貼出自拍素顏照，她寫道：「啱啱搵到一張相你幫我睇吓呢個女仔有冇整容，留言話比（畀）我知 #全素顏 #原相機」相中披頭散髮的素海霖，面頰與額頭都爆出不少青春痘，雖然五官不及化妝後立體，但尚算標緻，仲帶有幾分鄰家女孩味，不少網民都大讚她勇氣可嘉：「欣賞妳的坦誠！女士是應該學懂化妝」、「素顏仲順眼喎」、「素顏嚟講算靚！同埋好pure」、「超級清純」、「冇咗俗氣，睇上去好舒服」、「真係好勇敢，全素顏都敢post上網，我係女人都鍾意你」等。

不過，同時仍有許多網民懷疑該相片是「整容前」的舊照：「有！個鼻整過」、「縮細鼻，加整下巴，見你訪問好明顯」、「而家個鼻真係唔太自然，窄咗好多同埋有少少插蘇鼻」、「我睇到嘅係未整容前，唔整咪好哋哋，而家愈整愈衰特別係個鼻」。