隱形戰隊丨劉佩玥穿絲質睡衣晒長腿陷險境 慘遭霸王硬上弓自爆嚿嘢好硬
發佈時間：22:30 2023-03-19
TVB劇集《隱形戰隊》劇情愈來愈緊張，今日（19日）官方社交網一口氣上載兩條預告片，見到下周將播出「Shadow」劉佩玥與「辛Sir」吳家樂喬裝一樓一鳳及唐樓住客，近距離埋恐怖分子身進行調查。劉佩玥為追查恐怖分子險遭強暴，情況相當危急。
明晚（20日）播出的第11集，見到劉佩玥打扮成「一樓一」惹禍，預告所見，身穿V領性感絲質睡衣的她，風騷返回單位，就在準備關門之際，遭恐怖分子「巴翼」廖家爵強行登門造訪表示要「幫襯」，大感慌張的劉佩玥為力保喬裝身份免被拆穿，情急智生下以月事作借口企圖脫身，最終卻難敵遭「霸王硬上弓」，被廖家爵捉實兼拋到牀上。劉佩玥透露拍攝過程：「因為個廠真係好凍，同埋張牀唔係牀嚟，係一嚿好硬嘅嘢上面有啲被鋪。我同我對手廖家爵對戲時，佢都好緊張，因為驚整親我。我覺得呢類戲最緊要演員之間有溝通同信任，所以我哋最後都好順利完成。」
【點擊睇劉佩玥晒長腿做「一樓一」】：
劉佩玥在預告片中再晒逆天長腿，加上角色性格討喜，劇集推出後成功入屋。對於長腿成為亮點，她開心地感謝大家喜歡，還大方分享美腿的兩大心得：「其實我細個唔係好高，我記得我低年班時都係排前面嗰幾個，直至去到大約中四先至突然開始長高，我諗都關我鍾意運動事。因為以前有打排球，我又好鍾意跑步，所以我覺得做運動同成日飲水都會令到個腳形靚啲。」她補充指多散步對保持靚腳形有幫助：「我食完飯之後都會去行吓，就算依家揸車，都會去公園或者山度行。」
至於經常拍外景都能保持白滑皮膚，劉佩玥透露要做好防曬外，注意飲食亦很重要：「唔好成日食啲好濃味、或顏色好深嘅食物，味精唔好食咁多，同埋最緊要保持身心開朗，飲多啲水就OK。」而另一預告中，Cool Sir媽咪「淑珠」蘇恩磁、姐姐「顧晨麗」樊亦敏、外甥女「珊珊」伍樂怡在茶餐廳關門時，突然遇上殺入大廈胡亂開槍掃射的悍匪，樊亦敏與伍樂怡嚇得拔足狂奔，之後又與蘇恩磁、其他食客及途人成為人質，伍樂怡嚇至花容失色，氣氛緊張。
【其他閱讀】：
Lucy下周六5歲生日拍片邀網民慶祝 群眾壓力逼Lucy媽開P遭潑冷水
鍾麗淇上載12歲罕見病女兒行路片 為大女完成3K賽事驕傲 妹妹細心扶家姐好有愛
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
