吳千語為馬天佑豪宅做設計曝光超驚人巨型衣帽間 全屋佈滿機關網民:勁羨慕

更新時間:22:00 2023-03-17
發佈時間:22:00 2023-03-17

近來獲內地網民封為「最高級港女」的29歲吳千語不單止有Fashion Sense,原來仲甚有室內設計天份!大約四年多前,香港著名時裝指導馬天佑(Mayao)家人剛購入新居,馬天佑就找來好友吳千語做軍師,由設計概念到買傢俬吳千語都給予不少意見,日前馬天佑首度拍片公開大宅內部環境,令不少網民大嘆羨慕:「間屋都幾大」、「我都想屋企有個咁大嘅衣帽間」。

【點擊睇馬天佑大宅】:

馬天佑日前晒出家居影片並留言:「我屋企嘅靈感係嚟自呢位室內設計大師吳千語小姐(又名:阿容)去諗㗎。睇落去就知,順便睇埋個衣櫃設計。」由於一開始馬天佑完全沒有任何要求或設計概念,於是吳千語根據他平日的穿着打扮和喜好,認為對方適合較有生命力、富色彩的百搭氛圍,之後蒐羅了不同的照片供馬天佑參考,最後兩人只用了3秒便決定整間屋的風格。

片中所見,馬天佑的客廳空間闊落,牆身有一個巨型書架,上面放滿書籍、Figure、獎座、音響及電視等,窗旁則放置了多盆綠色植物,設計簡約時尚,不過卻被吳千語以「九唔搭八,但亂中有序」形容,她仲踢爆對方用作裝飾的乾花竟以裝滿水的花樽盛載:「點解有人嘅乾花會有水嘅?呢個係一個乾花,佢係唔需要水嘅。」非常搞笑;而廳中央位置以L形大梳化分隔飯廳,後面設有一張木質長餐枱,旁邊則是一個特大紅酒櫃。至於衣帽間,馬天佑特別訂造趟門大木櫃,將衣服、帽、名牌袋及鞋履分門別類收納好,一目了然又整潔。自言經常搬屋的吳千語,又於片中分享了不少整理衣服,以及衣櫃照明設計的Tips。

其間兩人又互爆私下性格反差,吳千語指大家以為馬天佑超級有主見,但實情除了對衫及影相有研究外,他對大部份事情都是一無所知,尤其食物和裝修,她沒好氣說:「佢問我生蠔要唔要煮,跟住又同我講『我唔食豬肉架,我要(食)叉燒』!」講到不少人對馬天佑有誤解,吳千語即力撐對方完全冇機心,還爆笑說:「有人問我『馬天佑同呢個人識架喎、同學嚟架喎,佢肯定知呢個人做啲咩』,我話佢唔知,唔好問佢,佢唔係專登唔話畀你聽,佢係真係唔知,如果你覺得佢有啲嘢隱瞞你,或者佢唔記得咗,佢係真心唔記得咗或者真心唔知。」

馬天佑指,在吳千語10多歲時認識對方,當時覺得她勁寸、說話細聲又含糊不清:「佢Whatsapp錄音我係聽唔到講咩。」不過數到最有義氣,他認為吳千語是朋友中的No.1:「無論發生咩事,佢係第一個會諗起你嘅人。」此外,不少網民看畢影片表示對吳千語改觀:「以為感覺佢好做作,原來佢好真性情」、「估唔你哋都有咁傻同可愛一面」、「看視頻也是很會生活的女孩子」、「千語好適合做這種給別人設計建議的節目,好有品」。

 

【其他文章】:

70歲鍾鎮濤滿臉白鬚爆超多魚尾紋變型佬 GUCCI造型陪老婆范姜追星

中年好聲音|50歲丁文俊曾奪94年新秀亞軍 舊照出土驚爆原來係肌男

盤點9位愈住愈富貴TVB人 黎耀祥公屋變3千萬獨立屋 有米富婆由豪宅搬去超級豪宅

《星島申訴王》於3月1日隆重登場,節目為民請命抱不平、追蹤城中熱話,亦會搜羅溫情小故事。你申訴,我跟進,搵91999933,《星島申訴王》隨時候命!
立即報料: https://bit.ly/3IMunqd
你的獨家報料一旦被採用及報導,將獲得乙份獎品。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ