蔡天鳳碎屍案丨七年前奢華出嫁片段曝光深情告白老公Chris：會錫晒你同你屋企人

即時娛樂

更新時間：21:10 2023-03-10
發佈時間：21:10 2023-03-10

28歲名媛、譚仔創辦人媳婦蔡天鳳（Abby）日前慘遭肢解烹屍，其鄺姓前夫及其親友至今已有7人被捕，事件轟動全城，以至到海外傳媒亦有報道。蔡天鳳與現任丈夫、譚仔創辦人太子爺Chris及前夫的關係在網上引來諸多揣測。最近有一段蔡天鳳與Chris在2016年的婚禮片段流出，片段長約6分鐘，兩人在片中親述相識經過，卻與之前蔡天鳳母親「五姐」及她好友豹嫂所講，蔡天鳳與Chris是同學之說，大有分別。

【點擊逐睇蔡天鳳婚禮短片】：

蔡天鳳與Chris婚禮片段由菲律賓一間婚攝工作室負責，雖然工作室fb已將片段刪除，但網上仍有短片流出。Chris在影片中深情剖白與蔡天鳳的相識經過：「喺香港每日都唔同嘅人，做緊唔同嘅事，去緊唔同嘅地方。我遇見你嗰日都係一日平凡嘅日子，你喺條街度同其他人一樣，但你對於我嚟講，有啲嘢對比其他人一啲都唔同凡。喺街上撞到你同一個朋友，你當時着住高踭鞋，感覺記憶猷新。」

Chris繼續發表愛的宣言說：「Abby，我諗我同你都估唔到今日正式成為夫妻，有你喺呢個家庭入面，唔單只我開心，我父母都好開心，我其他屋企人都好開心。我希望我哋嚟緊嘅日子會愈來愈好，到我啲頭髮白晒嘅時候，希望你仲喺我身邊，好好照顧我，Abby。」

而蔡天鳳亦在片段中提到與Chris的相識經過：「其實我已經唔記得我哋第一次見面係幾時，應該就係成班朋友就識咗佢，後尾我哋差唔多每一日都見面，之後慢慢開始對佢有好感。老公呀，今日我要嫁畀你，我真係好開心，我以後會錫晒你同你屋企人，我愛你。」最後還隔空向Chris送吻。

片段所見蔡天鳳與Chris舉行豪華接新娘、過門儀式，深得長輩竉愛的兩人不停斟茶，蔡天鳳身上更是掛滿金器，片段中亦首度見蔡天鳳父親現身。在接新娘環節中，Chris戴上粉紅色爆炸頭假髮與其他弟跳舞、踩石春跳繩，賣力表現抱得美人歸。片段亦重現兩人在鬧市見面、以及其他互動畫面，見兩人相處非常甜蜜，如一般新婚夫婦冇大分別。片段尾段則到是當晚婚禮現場，見到蔡天鳳由父親陪伴下入場，將女兒交給新郎Chris，片段中亦離遠見到身為新婚主持的Bob。

蔡天鳳生前好友「豹嫂」、英皇前歌手周英杰（現名清晞誦）在蔡天鳳遇害後，多次接受傳媒訪問。豹嫂曾指Abby與鄺姓前夫、Chris是中學同學；而蔡天鳳母親「五姐」則曾透露蔡天鳳與Chris在10歲時已經認識，就讀同一間國際學校，是青梅竹馬。