梁諾妍生Sir Face身形暴脹 靠兩招腩肉變腹肌 洪永城被嘲「停留坐月階段」
發佈時間：20:30 2023-03-09
現年35歲的梁諾妍（Inez）前年與洪永城結婚，同年12月誕下囡囡Amber，由於Amber不論樣貌、激似洪永城而被稱為「Sir Face」，在網上大受歡迎。產後逾1年2個月，梁諾妍今日（9日）在IG大晒修身成果，分享減肥心得外，更勁騷6嚿結實腹肌，相中見梁諾妍着上黑色bra top、黃色運動褲，拿着相機在鏡前自拍，相中見到梁諾妍手臂纖幼，腹部更有一整排朱古力腹肌加人魚線，身材結實！梁諾妍同時貼出產後2個月、5月個及現時的對比照，見到腹部越來越結實，由凸出再次變回平坦！
【相關閱讀】：洪永城1歲囡囡再進化鬼馬行為似足爸爸 媽媽梁諾妍放棄辯護：200% Sir Face
【點擊睇梁諾妍晒腹肌】：
梁諾妍趁着三八婦女節回顧生B後的變化：「生完sir face 除咗頭髮越剪越短lol，另外一定係身體的大轉變。從來沒有後悔生完B變得龐大嘅身形，一切都係值得的！有好多人都話我而家好似仲瘦過未有BB時，其實運動量同以前一樣，反而飲食習慣轉了。168+低碳飲食，再配合好的補充品，身體少咗醣，皮膚都會變好，脂肪自然下降，身形就自然變得理想。」
梁諾妍還透露減肥秘方；「7分飲食3分運動，飲食做得好，運動都一定要配合。肌肉係唔會自己生出嚟，一定要做肌肉訓練先會有，而有肌肉線條看上去先係健康美啊！」一向熱愛運動的梁諾妍亦分享運動竅門：「跑步係最快嘅消脂運動，但係對初學者嚟講太過吃力的話，每日喺屋企做少量肌肉訓練，慢慢培養返一個運動嘅習慣係首要。做運動會釋放安多酚，每次做完運動後嘅痛快，出汗嘅爽，真係又開心又上癮。身體機能變好就可以有更多力氣去湊B去跑步去攀山涉水去玩啦！」她更透露之後會有更多的運動心得分享。
【點擊睇Sir Face得意相】：
不少藝人朋友，包括連詩雅、胡定欣、陳自瑤、余香凝等，望到梁諾妍的腹肌都睇到心心眼。老公洪永城則搞笑留言說：「點解我個肚唔係咁？」2017年與梁諾妍拍攝ViuTV湊仔節目《全職媽媽放大假》的其中一位媽媽Kit留言嘲諷：「你仲停留緊喺坐月階段？」一向熱愛運動的梁諾妍日前在渣馬以3小時57分跑完全馬賽事，成績在藝人中名列前茅，非常厲害！
【其他閱讀】：
周星馳歎紅酒「低調炫富」一啖飲2萬落肚 影壇炒樓王投資磚頭一炮過賺幾億
42歲陳美詩撞樣嫩版王馨平 百半孫耀威零皺紋打扮回春似小鮮肉
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
