「一哥」布偉傑突然宣布被離婚 疑與經濟狀況不穩有關：喊咗成晚
發佈時間：15:00 2023-02-21
有「御用外國人」之稱的布偉傑（一哥）在2017年與化妝師女友Celia結婚，婚後一哥更決定離開TVB向外發展，他不違言想賺多點錢，給未來太太更好的生活，不過這段婚姻最終失敗收場，布偉傑日前突然在抖音宣布與Celia離婚，正式結束第二段婚姻，布偉傑坦言未清楚離婚原因，但可能因疫情的關係，令自己的經濟狀況不穩，在這壓力下，導致生活模式變了，最終令Celia提出分手做回朋友。
【點擊睇布偉傑同老婆合照】：
布偉傑有兩段婚姻，1994年於一間波士頓快餐店結識較他年長兩年的女子閃婚，婚後育有兩名孩子，至2003年離婚，2017年與Celia美國註冊，回港後補擺喜酒，兩度離婚的布偉傑，在片中語帶輕鬆地剖白離婚原因：「啱啱係正式離咗婚，其實真正背後原因我自己都未搞清楚。我哋去申請離婚嘅時候，嗰日朝早搞掂咗啲手續，去食早餐、食完早餐去睇場戲，跟住食午餐，跟住一齊做義工，食晚餐，跟住講拜拜，各自返自己屋企。」他又稱：「呢三年，我嘅經濟開始唔穩定，做司儀嘅活動同拍戲完全停頓，所以我就認為係呢個壓力，生活模式變咗，佢先提出，不如我哋做返好朋友。開頭我都唔接受，我知道有問題，但我好想解決問題，佢講嗰晚，我喊咗成晚。」不過，布偉傑坦言如果前妻找到新男友再結婚，他亦會衷心祝福她，相信二人「再見亦是朋友」
在美國出生的布偉傑，在大學時主修中國文學及亞洲研究，不但講得一口流利廣東話、普通話、英語及柬埔寨語，而且睇中文劇本也完全無難度，1999年來港拍戲，至2006年加入無綫後即成為「御用老外」，2007年憑處境劇《同事三分親》的韋一成功入屋，自此之後大家統稱為阿一，接着所有外國人的角色，包括外籍警司、恐怖份子、神父，也例牌由他上陣。
【其他文章】：
周潤發碼頭送狗上岸舊照翻hit瘋傳 回春秘訣曝光10個月激減13公斤
Bob林盛斌豪宅內拍片意外曝光仔女凌亂睡房 回帶對比一年前入伙相亂到設計感大跌
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
