給十九歲的我丨張婉婷自爆冇准許證照拍日本單車賽紐約取景冒市長簽名兼偷電

更新時間：17:55 2023-02-05
發佈時間：17:55 2023-02-05

張婉婷執導的紀錄片《給十九歲的我》紀錄6個英華女學校學生10年成功故事，去年上映優先場已瞬即成為影迷熱話，電影上周四正式上映，豈料其中一名女主角阿聆向雜誌投書萬字文，控訴校方及導演張婉婷未有理會學生反對堅決讓電影公映，引起網民熱烈討論。在《給》片中有接受訪問的著名單車運動員李慧詩今日（5日）於IG撰文炮轟「被通知」出鏡，更表示：「我不會看，亦不鼓勵你看。」原來張婉婷上月中接受商台節目《1圈圈》阮兆祥等訪問時，曾提到2016年採訪日本亞洲場地單車錦標賽是偷雞拍攝。

張婉婷在訪問中提到她主要負責阿聆、阿雀、阿佘和單車運動員馬燕茹，她表示馬燕茹是她主動跟進，因為對方很多大場面。張婉婷在節目中又講到，李慧詩和馬燕茹於2016年參加在日本伊豆舉行的亞洲場地單車錦標賽：「佢（馬燕茹）去伊豆咪大場面囉，全人類全個亞洲去比賽，我覺得已經係最大場面。」張婉婷之後表示：「我哋好威武咁，扮晒有permit（准許）咁入去。」她續言：「冇掛嘢，入到去問我哋有冇permit，我話『攞梗，喺上面』，有個好好嘅人Ken san，見到我哋咁純良樣，我又話『呢個女生係我哋』，咁就畀咗我哋入去。」

張婉婷更自豪講解「偷雞」秘訣：「一開始畀咗我哋入去，以後大家都覺得我哋係，因為我哋將啲攝影機擺晒喺軌道旁邊，要好莊重咁擺位，要好專業，千祈唔好驚驚青青，要當自己係國際首席攝影師同記者。我擺到最近起點位同終點位，你見到我哋（片中）有晒教練衝埋去講嘢嗰啲片，我哋都拍到喎！有啲就拍wide shot，成個鏡頭咁拍晒。」張婉婷還透露拍學生電影時已有不少「偷雞」技巧：「喺街偷電、扮市長簽名。呢啲有時唔可以唔做，有時攞唔切，或者死都唔畀你，唔通唔拍咩？咁梗係要諗橋。」之後她再大爆原來是在紐約拍攝期間扮市長簽名：「嗰個攝影師話識簽佢（市長）個名，就拎晒啲permit嚟自己簽。」

【相關閱讀】：

給十九歲的我丨兩主角明言反對公映無效阿聆親撰萬言書剖白炮轟不尊重私隱

給十九歲的我丨張婉婷已故名導男友羅啟銳任顧問曾被狠批：死梗，悶到飛起！

給十九歲的我丨張婉婷出事後今早如常舉行映後分享網民湧專頁狂轟：罷睇！

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ