鄧兆尊自爆曾為已婚男星偷食頂包 網民分析「小三」艷星竟是她

更新時間:20:00 2023-02-04
發佈時間:20:00 2023-02-04

鄧兆尊每逢出現必有猛料!近日,前港台DJ貴花田、曾志豪和王耀祖為自家YouTube Channel「田豪祖3寶」進行直播,邀得鄧兆尊大談娛樂圈中搲撈及女星「埋身」事件。節目中,當被問到可有被女藝人「擺上枱」約食飯再Call記者?鄧兆尊即大爆曾為某男藝人偷食性感女星「頂包」!

【點擊睇性感女星嫌疑人】:

鄧兆尊指,某已婚男星曾相約一名性感女星到西沙茶座密會,殊不知遭狗仔隊斷正,深怕偷食一事曝光的男星情急下惟有Call鄧兆尊求救,鄧兆尊憶述:「佢搵我去頂包,叫我幫吓手頂,我頂過一次。(咁嘅死貓你都食?)冇所謂啦,我去咗嗰度同個女星走咗,之後佢個幾鐘後先自己走,就避開呢單嘢。」被問到該女星有否轉軚愛上他?鄧兆尊豪言:「冇呀,因為嗰個女星我真係冇乜興趣,艷星嚟嘅。(嗰啲食唔到?)要食隨時食到,我嗰個朋友(指已婚男星)咁嘅樣都食到,我點會食唔到?算啦,我冇興趣食咋嘛。」雖然鄧兆尊未有開名,但不少網民就推測事件中的「艷星」是葉玉卿、李華月或葉子楣。

提到家底厚的鄧兆尊過去獲不少女星埋身,他自爆曾被「M字胸」女星撩的經歷,鄧兆尊說:「個女星著住個肚兜,入面真空嘅,一路彈吓彈吓咁,叫我幫佢綁條帶,我話走開啦!好奇怪囉,喺架24座上面,後面又有個服裝阿姐唔叫,叫我幫你?!(佢想奔向你?定想你幫手搵工作機會?)傻嘅,奔向我已經成功咗喇嘛!」

【其他文章】:

25歲徐嬌女大十八變激似韓星尹恩惠 男仔頭變辣妹大擺S字Pose晒纖腰

新四十二章|龔嘉欣被發現「飛釘」搶晒鏡 網民分析發現者純粹幻想

24歲日女團成員慘遭殺害 全裸陳屍情趣酒店頸中多刀斃命

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ