東張西望丨80歲婆婆被CEO細仔偷420萬資產得返921蚊 上門對質新抱發爛渣掟爛咪

更新時間:22:30 2023-02-03
發佈時間:22:30 2023-02-03

節目《東張西望》昨晚(2日)播出80歲翟婆婆被細仔盜走約192萬資產,兼「被囚」老人院的個案。去年8月翟婆婆不幸跌傷入院,在婆婆出院時,細仔堅持將翟婆婆送入護老院,在護老院期間婆婆致電大仔求助,大仔欲接走翟婆婆被多翻阻撓。翟婆婆住護老院期間,細仔曾兩度探望,第一次哭訴冇錢,更要求給予圖章,第二次則表示家中混亂,當時婆婆問:「床下底啲金有冇攞到?」細仔返問:「吓,有金咩?」之後就冇再探望。婆婆隨後聯終大仔,大仔發現家中約177萬現金及嫁值15萬元的金器嫁妝不翼而飛,疑是細仔所為。

【點擊睇翟婆婆被細仔偷錢】

今日(3日)《東張》繼續跟進個案,雖然翟婆婆的圖章與存款仍在家中,但原來細仔另有所謀。大仔表示:「(細仔)拖就得一個目的,拖到11月23日,170萬定期存款到期。(到期)前一個星期佢開始態度軟化,唔再要求去老人院。」之後大仔學習洗腎照顧婆婆,大概11月22日,大仔接翟婆婆出老人院,而細仔之後亦未有再出現過。

翟婆婆的戶口原來是與細仔聯名,不過裏面170萬元定期存款、價值45萬元股票及4.1萬元的現金,共約220萬的資產都是婆婆與丈夫的畢生積蓄。翟婆婆透露2014年開聯名戶口是細仔主意:「佢話我老,成日要入醫院。」不過自婆婆入院後,原來細仔一直持有婆婆的身份證及八達通,不肯歸還。到11月23日,大仔與翟婆婆一同到銀行,希望取回170萬元定期存款,不過大仔表示:「經理同我哋講,你細佬已經喺9月轉咗指示,11月23日到期後,會轉入細佬個人戶口。我阿媽好激動同佢講:『嗰啲錢係我嘅!』個經理話:『冇辦法㗎。』」戶口最後更只剩921元,即是翟婆婆細仔不只將家中近200萬元清空,連婆婆銀行約220萬資產亦全數清空。

翟婆婆重申:「佢一毫子都冇入銀行,前面嗰部份係老公留低,後來我幾千、幾千咁儲入去,都係大仔畀我,細仔都而家一毫子伙食都冇畀過我,剩係有兩年過年畀過一次5千、3千,我都話生意唔好就算數啦。」更表示細仔甚少探望,只有自己會去細仔那邊探孫仔,還會自己花錢買餸給細仔。婆婆患喉癌13年,還要每日洗腎,醫療費用龐大,現在都要由大仔一力承擔。

翟婆婆細仔原來是初創公司CEO,從事製衣業,主要開發成衣品質檢測的測量尺,還曾經拿獎。不過,翟婆婆指細仔物業已經進行兩次抵押:「做生意唔知爭人咩錢。」大仔透露曾三度報警,當時細仔曾向警察直認是他將銀行戶口的錢轉走,更直說:「係,啲錢唔係我,係我阿媽嘅。」不過之後警方指是犯法,細仔則反指是替翟婆婆保管。

《東張》主持李旻芳與翟婆婆及其大仔,到細仔位於大角咀私人屋苑寓所對質,家中工人開門讓三人進入,當時細仔老婆正在洗澡,而片段中見到細仔寓所有按摩椅、兼有維港景致。等細仔老婆洗澡出來後,當婆婆提到錢即反應激烈,將《東張》團隊趕出門口,更將兩支咪掟出門口,兩支咪亦被掟爛,現場一片混亂。細仔老婆大叫:「啲嘢我冇做過,你格硬誣蔑我,你自己話有1000萬都得啦!」大仔反駁指:「有指有據,個戶口過錢走。」之後細仔老婆繼續發爛渣:「呢度唔係你屋企,唔係可畀你亂闖私人住宅!」之後想趕翟婆婆出門口,後來雙方分別報警處理。不過翟婆婆能否成功追回金錢,則要留待明日《東張》分曉。

【其他閱讀】:

網民執屋翻出周秀娜經典性感寫真 遭勸唔好揼:消失的波兒好值錢

前J2女神梁凱晴被新任「港女」林映輝取代  網民分析其實TVB一早安排好

新四十二章|史穎喬中大碩士畢業做埋劇集顧問    被裁空姐變《愛.回家》古典美人

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ