愛回家|炎明熹首亮相即揶揄洪家 僅亮相3分鐘本色演出已爆金句

更新時間:21:30 2023-01-26
發佈時間:21:30 2023-01-26

《愛回家》年初五的一集(第1846集)邀請到自出道以來人氣有增無減的《聲夢傳奇》第一季總冠軍「傳奇新星」炎明熹(Gigi)客串演出,而Gigi 在劇中演回自己,同樣是迷人迷,成功俘虜3歲至80歲!

劇情提到許家傑的兒子Philip仔與女同學技蘭同樣都是炎明熹粉絲,但由於二人經常密密斟勁似拍拖,令Philip仔的親母及繼母蔣家旻以及林淑敏非常擔心,更出盡計仔要拆散Philip仔與技蘭!不過其實他們只是惺惺相惜同時喜歡炎明熹而非情投意合,令蔣家旻以及林淑敏擺晒烏龍!

首次亮相《愛回家》的炎明熹亦表現得非常自然,或者是因為劇中的角色根本就是她自己,所以只要按照自己的個性去演出就已經是完美了。而網民亦大讚炎明熹的一句對白「你好 請問你係邊到飛入黎嘅呢?」充分表現出她日常講的「火星文」,紛紛在節目精華片段中留言大讚炎明熹可愛!雖然她頭、尾只現身了大約3分鐘左右,但已經成功製造話題,更大膽地揶揄一班前輩,果然夠膽識!

【點擊睇炎明熹首登《愛回家》的演出】:

對於首度獲邀「登陸」《愛回家》,炎明熹坦言大感興奮,並直認由小學時開始已是捧場客:「我有追開《愛‧回家》,時間許可,我會準時八點鐘喺電視面前觀看,佢哋嘅 內容會令到我睇完之後好開心,佢哋每集又會帶出一啲訊息,我覺得好生活化。呢個 處境劇我係由細睇到大,小學時係《八時入席》,之後再到後尾有唔同系列。」炎明熹又指能與劇中角色真正合作,感覺既榮幸又夢幻:「真係不可思議,冇諗過以前甚至 依家睇緊嘅劇,會有機會遇到佢哋(劇中角色),雖然有時喺 TVB 會遇到大家,但唔 會真係話傾偈嗰種。」炎明熹續指劇中最尊敬角色是丹爺,並爭取機會與對方合照:「我知佢做咗好耐《愛回家》。我好開心可以加入呢個大家庭,因為我見到佢哋好似屋 企人咁相處,佢哋會互相叫對方阿爸、家姐或者阿妹,然後佢哋亦都好照顧我。」

另外炎明熹還大讚劇中道具相當像真:「我覺得有個好得意嘅地方,我一直以為新威龍廣場係一個真嘅廣場,然後 Key 個名落去,後來我知道原來係一個廠景,係特登搭出嚟,我覺得好神奇,同埋入面啲產品同店名都好得意,同嗰個𨋢真係好真。」炎明熹更透露希望日後能多點拍劇,因為她很喜歡和公司的幕後工作人員相處,皆因很有愛,炎明熹說:「我一直好想拍劇,我覺得拍劇好有趣,我好鍾意同工作人員相處,拍 劇時真係會經常對到大家,而佢哋真係非常之好,好似屋企人咁,所以我希望儲多啲經驗同能力後再拍劇。」喜歡挑戰自己的炎明熹,更笑言沒有特別想做的角色:「因為咩角色都想做。」說話內容充滿童真的炎明熹,笑著訴說拍攝當日遇到兩名相當可愛的小朋友,並很高興對方提出合照要求,炎明熹當時還拿出兩顆朱古力氹小朋友開心,行徑與小朋友一樣可愛,炎明熹興奮地說:「嗰日誤打誤撞帶咗兩粒朱古力,其實原本我係想試吓個味,因為冇食過,最後我就一人一粒畀佢哋食,啱啱好,Yeah!」

【其他文章】

烏鴉張耀揚「登六」在即無懼變銀髮族 握雪茄唱《成吉思汗》型到裂

李璨琛迎接Lucy 2.0出世搬新屋  客廳不及舊居寬敞開放式廚房對孕婦不利?

李嘉欣疑再消瘦拜年包手包腳勁密實 雙手驚爆大量青筋網民心疼太瘦

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ