因為愛情|前港姐胡家惠陀第二胎驚揭老公出軌 崩潰企跳尋死因一人獲救

更新時間:16:00 2023-01-12
發佈時間:16:00 2023-01-12

準人妻連詩雅(Shiga)最近主持的J2綜藝節目《因為愛情》,今晚(12日)起將播出最後兩集,最後一個愛情單元主角、現年40歲的2002年港姐季軍胡家惠(Cathy),其人生及愛情的故事,相當曲折又戲劇性。當年只得19歲的胡家惠,當選後加入TVB嘗試做主持工作,約兩年後離巢,曾於多間上市公司和機構擔任不同的職務。

胡家惠因樣子標緻又開朗活潑,愛情路上一直順風順水,直到2011年嫁室內設計師邱仲平後,原以為過著幸福生活,怎料在她懷第二胎時,老公疑有外遇,當時她為了兩個囡囡選擇啞忍,最終換來無情的對待。胡家惠在節目中詳述當時的經歷,透露如何靠一張附屬咭,終極揭發外遇事件,她還描述前夫如何不想離婚,但又不想跟第三者斬纜:「佢話『我同你已經冇晒愛情,不過我唔捨得你,因為你真係好好呀,你對呢個屋企付出咗好多,好幫得手,我覺得我唔可以冇咗你呢個屋企人……』。」胡家惠最終選擇走上離婚之路,並為離婚官司及女兒的撫養權,大受困擾及折磨,導致多次嘗試自殺。

【點擊睇胡家惠節目內容】:

在節目中,胡家惠又憶述其中一次險自殺的經歷:「有一次喺郵輪,突然個情緒嚟得好緊要,當時打緊撫養權官司,佢(前夫)話唔畀個女跟我,我直情癲咗,我當時使走咗屋企人同兩個女,閂咗房個露台門同窗廉,走咗去露台出面,企咗隻腳去出面準備跳落去,突然之間我個女入嚟係咁喊住叫媽咪,我個心就好實。」胡家惠受盡委屈時,其3歲女兒為她出頭,保護她免受前夫一再傷害。胡家惠說:「佢見到爹哋返到屋企鬧我,我喺度喊,佢就指住爸爸話:『我要你離開呢個屋企!因為我唔想你再鬧媽咪,你返去自己屋企啦!』然後佢走埋嚟攬住我,叫我挨落佢膊頭度話:『媽咪,你唔好再理嗰個人(指爸爸),你記住我同妹妹都會好錫你,雖然妹妹仲係BB,但我會教佢。』」

而明晚播出一集,胡家惠會細說如何靠做義工及投入創業,逐步走出情緒陰霾,她能再次相信愛情,除因為自身的堅強外,與現任老公阿Man的暖男式無限付出及支持也有關係,二人拍拖期間,同心跨越不少難關,去年還面對突如其來的癌症疑雲,她又因背部被嚴重凍傷致大部分面積潰爛,有一段時間失去自理能力,連沖涼也要等阿Man放工幫手,但正因老公無微不至的照顧,才讓她確定找到對的人。

24小時求助熱線︰
生命熱線︰23820000
明愛向晴熱線:18288
東華三院芷若園熱線︰18281
社會福利署熱線︰23432255
利民會《即時通》:35122626
撒瑪利亞會熱線(多種語言)︰28960000
香港撒瑪利亞防止自殺會熱線︰23892222
賽馬會青少年情緒健康網上支援平台「Open?」:www.openup.hk
醫院管理局精神健康專線(24小時精神健康熱線諮詢服務):24667350

【點擊睇胡家惠靚相】:

【其他文章】:

《天師執位》重播翻Hit 苗僑偉親爆 秘替翁美玲招魂

羅家英罕有放閃晒與汪明荃十指緊扣合照 染疫後發相懷念日本之旅

31歲陳凱琳再誕一子勁好生養四年抱三 53歲鄭嘉穎再做老竇:母子平安

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ