楊思琦內地開工拍檔不慎以道具槍「鋤」左眼驚現大片瘀青險變盲

更新時間：15:36 2023-01-11
發佈時間：15:36 2023-01-11

44歲單親媽媽楊思琦，育有一對仔女，近年長留內地發展的她，不時拍片放到網上與網民交流。不過近日楊思琦分享的片段，就非一件好事，她在片中一開始表示自己正在卸妝，一拎開潔膚棉卻見到其左眼受傷，瘀了一大片。楊思琦在片中配上王菲的歌曲《容易受傷的女人》透露：「好！準備好話俾你聽，我幫隻眼落妝呀，你睇吓我隻眼，嚇親呀，睇住唔好眨眼呀，嘩～～我唔係化妝呀，我受傷呀，好彩喺呢個位高啲啲都睇唔到嘢，幾日先好返呀？好嚴重呀！」憶述自己遇到意外，慶幸受傷位置在眼角未有高少少，否則有機會傷及眼睛變「獨眼龍」。

【點擊睇楊思琦相】：

正在江蘇拍《獵毒》系列網絡電影第三部《破冰》的楊思琦，片中飾演緝毒大隊長洪金寶細仔洪天照的太太。當日拍攝她被擄走，再遭人用槍指嚇的鏡頭，怎料發生小意外，內地對手演員疑過份投入，手中的道具槍不慎撞向楊思琦的眼部，導致眼角受傷，爭一毫米就不堪設想。她當時因導演未cut機，未敢作出反應，強忍下完成該鏡頭。之後她痛到標眼水，成塊皮都紅晒。工作人員當時有即場用冰為她敷眼，之後繼續拍攝4小時。

楊思琦收工未有去睇醫生，因為表面沒有傷口，加上第二日又開早，最後只搽藥膏等待消腫。囡囡見到其傷勢都有嚇親，不少網民亦對她的傷勢感驚訝，留言問：「同人打架啊？」、「痛死，咁大個小心d嘛，要好好咁照顧自己，先可以睇住d細㗎嘛」、「錄節目受傷？」、「你做乜事？比（俾）人打咁樣」等。

【其他文章】：

77歲秦沛一頭銀絲白髮反晒光愈來愈有型眼仔睩睩與坤哥日籍太太歎日菜

黎姿新相仙氣爆棚撞樣吳雨霏網民驚訝P過龍認佢唔到

金球獎｜楊紫瓊曾嫁富商閃電離婚拒做少奶港產片打女進軍荷里活一年擸近30影后

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ