江若琳自揭患畸胎瘤！ 拍片分享4年造人經歷 遲遲未懷孕與丈夫Oscar有關
發佈時間：20:00 2022-12-27
江若琳（現名江伊晴）自2014年與寰宇藝人管理公司完約後，幕前事業一直浮浮沉沉，至2018年江若琳與Oscar蕭唯展（前名蕭潤邦）結婚，生活愈來愈低調，結婚至今4年至日前公布喜訊，宣布二人終於「造人」成功。
但原來二人在結婚之後一直都希望生小朋友，可惜一直努力仍然未見成果，於是不斷向中西醫求診，希望獲得生仔良方！
相關閱讀：江若琳近照撞樣郭富城老婆方媛 34歲淡妝上陣靚過初出道
【點擊睇江若琳近照及胎兒超聲波相片】：
江若琳近日拍片分享了自己的懷孕心得，自揭二人婚後一直都想「造人」，可惜一直未見有下文：「所有坊間嘅方法，應試嘅我哋都試過晒，例如啲朋友話邊度有間好勁嘅中醫，話佢百發百中，食佢啲藥係苦到懷疑人生；又試過計嗰啲排卵紙；所有你哋諗得出嘅方法我哋都試過，但最後都係唔成功。
及後江若琳就自揭原來自於曾經患過子宮畸胎瘤：「當時我嘅工作好忙，我就冇去做手術，目前做嘢緊要呀咁，如是者一路拖到我哋結婚之後。我路以為我自己係好容易懷孕嗰啲女人嚟，但係事與願違，之後我哋再去睇醫生，佢話我個畸胎瘤已經長大到阻礙到我嘅輸卵管，如果我唔做手術，我嘅懷孕機率係好低。」然而，江若琳在做過手術之後，又再度積極「造人」，但卻面對一次又一次的失敗。
最後才發現，原來一直未能成功懷孕的原因，其實是老公蕭潤邦的精子出現問題！Oscar在片段中說：「檢查咗之後，發現原來我啲精子唔係好活躍，當時我都有問醫生有咩解決方法，佢話其實都冇乜解決方法。之後我就決心要做運動，唔係為咗減肥靚仔啲，係為咗成個人健康啲，去打破醫生話我去到呢個年紀冇咁活躍（的情況）。
片段中，江若琳更大方分享自己當時的驗孕棒，笑謂：「我見到好深色嘅兩條線，呢個係我一世都會保存嘅一份禮物。」
【其他文章】：
李亞男一雙白滑長腿有另類玩法 明嘲王祖藍「太短」僅2秒就玩完
劉嘉玲晒半山「藝術館」級奢華複式豪宅 古典裝修飯廳如同皇宮巨型吊燈極有氣派
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
