追蹤丨呂爵安黃雨下拍港版《社內相親》 肉緊濕吻沈殷怡錫足六次瞇眼好享受
更新時間：14:05 2023-06-14
發佈時間：14:05 2023-06-14
發佈時間：14:05 2023-06-14
字體大小
MIRROR成員呂爵安（Edan）和盧瀚霆（Anson Lo）繼《大叔的愛》後再度合作，接拍改編由安孝燮及金世正主演的大熱韓劇《社內相親》，港版女主角由沈殷怡和陳漢娜擔任。
AL同EDAN拍畢《大叔的愛》後吸粉無數
今日凌晨時份，Edan及沈殷怡在銅鑼灣為劇集拍外景，由於大雨落唔停，更一度黃雨，Edan趁劇組轉場空檔時出Story，分享自己在車上等待的心情，至雨勢稍微，Edan就換上西裝戲服，加副眼鏡，跟OL裝扮的沈殷怡在天橋上拍攝。
二人先拍攝一場嗌交戲，嬲爆的Shirley想拂袖而去，Edan立即上前拉住，又呵又氹又攬，見男方塊面哄到好埋女方，女方本來抗拒之後都不敵男方氹功，一個力氹一個被氹，唔太難，兩三Take就輕鬆完成。
兩人先拍鬧交戲
拉扯完又攬吓
沈殷怡飲醉酒
之後上演成晚嘅重頭戲，就係KISS場口，埋位前，兩人都細心聽導演講解，又認真試位，由於是兩人第一次拍激吻戲，所以一貼近即顯得尷尬忍唔住笑。劇情講述醉酒的沈殷怡行路不穩，Edan在旁攙扶，你拉我扯下，沈殷怡主動錫了Edan，之後兩人就攬實互望繼而激烈擁吻 ，離遠睇都Feel到兩人嘅呼吸起伏有幾大，由於需要多角度拍攝，兩人錫足六次才收工。觀乎場口，呂爵安應是飾演韓版《社內相親》中，金旻奎飾演的秘書室長角色，而沈殷怡就是飾演薛仁雅的角色。
《星島頭條》新網站有更多精彩內容：http://www.stheadline.com/
