15歲相識兩度有孕 「一罐奶粉佢哋都無買到」
發佈時間：03:00 2026-10-06 HKT
蔡天鳳的母親張燕花憶述，首次與鄺港智見面是在蔡天鳳年約15歲時，當時得知二人因同樣就讀弘爵國際中學而認識，以為他們只是普通同學關係，並知道鄺港智「阿媽無嘢做，爸爸揸的士」，惟不知道鄺球曾是警署警長。及至蔡天鳳17歲時，張燕花才知道二人拍拖，因而安排與鄺母李瑞香會面，並聽聞鄺家住九龍塘，惟她從來沒有到訪過鄺家。
2人同就讀弘爵國際中學
鄺港智在18歲時搬入張燕花及蔡天鳳家同住，當時蔡天鳳及鄺港智仍在上學讀書。惟在鄺港智入住不久後，蔡天鳳便懷有身孕，並向張燕花詢問「死啦，仲返緊學，點算」，惟鄺港智坦言「話好愛我囡囡」，張燕花便指「你哋話相愛，陀BB咪生出嚟，媽咪幫你養、幫你湊囉」，故蔡天鳳在大肚期間繼續上學。惟蔡天鳳誕下長男不久後又再懷孕，張燕花再表示會協助撫養孩子。而蔡天鳳誕下次女後，便與鄺港智搬到娘家附近的單位，並由張燕花及蔡楚生支付費用。
張燕花直斥鄺家在蔡天鳳誕下子女後，連奶粉錢都沒有支付過「一罐佢哋都無買到」，形容鄺家「梗係無錢啦」，強調他們「買餸買奶粉都未試過，邊度有錢」，直指他們「從來都無俾過一毛錢」。張燕花提及，蔡天鳳完成中學學業後在港大進修金融，鄺港智卻一直無業。蔡天鳳與鄺港智其後不斷吵架，並在2015年關係破裂並正式分手。
張燕花描述，蔡天鳳不滿鄺港智經常外出，更不支付日常費用及照顧孩子，儘管「有時鄺球、李瑞香間中嚟睇下細路仔」，惟他們「好匆忙，睇下就走人」。兩人分手後，張燕花與鄺家亦保持聯繫，形容「再見亦是朋友」。張燕花不時與鄺家帶小孩到海南旅遊，惟鄺家只會自己買機票，從來不會付餐費，張燕花稱「咁多年從來未食過佢哋一餐飯」，而蔡天鳳「俾好多好多錢依家人（鄺家）」。
兩家旅行「全程都係我個囡俾」
張燕花強調，鄺蔡兩家旅行時「全程都係我個囡俾嘅，佢全家嘅錢都係使我個囡嘅錢」，形容「香港又好，大陸都好，我從來未食過鄺家一餐飯，飲茶都未試過」。但即使如此，張燕花亦稱她們與鄺家「關係好好」，疫情期間經常見面，形容她們「有求必應」，「真係幫咗佢哋好多」。而鄺港智大部分時間在內地的生活開支等，亦均由蔡家支付，鄺港智更「叫阿女借錢」給他。張燕花坦言，鄺港智「好識𠱁我㗎」，因此「我咪叫阿女攞咗張卡俾佢用」。
