克勤重提爭男歌手：原來我哋都可以許志安紅館舞台公開多謝Sammi

更新時間：03:00 2026-10-11 HKT
發佈時間：03:00 2026-10-11 HKT

許志安紅館演唱會前晚來到第二場，邀請了相隔一年出道、當年同為「最受歡迎男歌星」熱門對手的好友李克勤做嘉賓，兩人先合唱安仔華星年代的作品《從你祝福中離開》，再無縫接軌克勤的大熱作品《深深深》。安仔衷心感謝克勤，因對方是專程修改機票趕回港支持。兩人又談起昔日「最受歡迎男歌星」的點滴，克勤感歎當年除了四大天王外，原來其他人都有機會得獎：「我嗰時真係唔知除咗四個天神之外，仲可以有其他人攞！係你攞完之後，大家先知原來自己都有機會。」
至於時隔11年再圓紅館夢，安仔在唱出《戀愛片段》後感性地表示自己首個紅館騷是在1996年，30年後的今日再踩回紅館舞台，好多人可能覺得是巧合，但對他來說是一個奇蹟：「因為我真係冇諗過，自己仲有機會擁有一個屬於自己嘅舞台。」之後在鳴謝環節時，安仔除了多謝各單位及台前幕後外，最後亦補上一句：「多謝Sammi。」瞬間引起全場歡呼！