KellyChu - 故宮館展伊斯蘭「天方奇毯」 飛越10個世紀見證文藝交流 | Executive日記

  文青們有福喇!香港故宮文化博物館公布,6月18日起同多哈伊斯蘭藝術博物館(MIA),合辦特別展覽「天方奇毯——伊斯蘭與世界文明的交織」,呢個係香港首個聚焦伊斯蘭與中華文明之間文化交流嘅展覽,展出約100件來自兩間博物館及故宮博物院嘅珍品,包括長度近16米,係現存全球博物館收藏最長伊斯蘭地毯之一嘅「凱沃爾基安海得拉巴地毯」,以及瓷器、金屬工藝品、彩繪手稿和玉器等。大家唔好錯過!

  展覽更展示來自伊朗、土耳其及印度一帶嘅地毯,以及10至19世紀嘅陶瓷、金屬器物、手稿和玉器。呢啲精美嘅器物,展現3大前現代伊斯蘭王朝:薩法維(1501–1736年)、莫臥兒(1526–1857年)和鄂圖曼王朝(1299–1923年)之間,透過貿易、族群遷徙和外交所促進嘅藝術交流。

KellyChu

更多文章