KellyChu - 以啡結緣 與客成友 奧海城McCafé香姐巧手沖咖啡多粉絲 | Executive日記
KellyChu
2025-03-13 02:00 HKT
字體大小
人到中年，追求穩定，害怕改變，有時係怕別人嘅眼光，亦擔心自己力有不逮。但喺九龍奧海城麥當勞McCafé任咖啡師嘅香姐就不一樣，佢由兼職工轉型至咖啡師，以一雙巧手，為街坊沖出香濃醒神嘅咖啡，以啡結緣，吸引好多粉絲，亦與不少顧客成為朋友，示範「中年再升級」。
麥當勞日前藉三八國際婦女節，分享員工香姐嘅故事。香姐最初係以兼職身份加入麥當勞團隊，人到中年，她一度對自己嘅年齡以及學習能力感到不確定，但經理看佢有潛質，團隊亦給她支持同鼓勵，促使香姐走出舒適圈。
過去16年裏，香姐通過無數培訓，努力磨練技能，今天已是一名經驗豐富咖啡師，「啡」藝大放異彩。唔少顧客會專程前往奧海城McCafé，為的就是品嘗香姐沖出來嘅香濃咖啡。實不相瞞，Kelly也是香姐嘅粉絲之一，每次見佢，一邊用心沖啡，一邊同客人有傾有講，一起渡過輕鬆愉快嘅時刻。
香姐默默沖啡，以實際行動，衝破自我限制，告訴大家，只要願意學習新事物，不怕挑戰，人到中年，也可以改變自己嘅工作路途，而且仲贏得客人嘅掌聲。
KellyChu
香姐中年轉型成為咖啡師，用心服務，得到顧客的支持。
最Hit
更多文章
