KellyChu - 故宮館中法展覽增20珍品 康熙雍正帝畫像等你欣賞 | Executive日記
KellyChu
2025-02-20 02:00 HKT
字體大小
最近喺西九文化區故宮館舉行嘅大熱展覽「當紫禁城遇上凡爾賽宮」，昨日開始展出新一批約20件中法皇家珍品，包括罕見康熙帝與雍正帝畫像等。
新展出嘅「康熙帝戎裝像」，係少有描繪康熙年輕時期嘅傳世畫像之一，畫中康熙身穿戎裝，顯示出其弓馬相伴嘅尚武精神。歷史記載，康熙拉弓臂力驚人，箭法尤其精湛。
而在「雍正帝朝服像」中可見，雍正端坐寶座之上，體現其威嚴一面。
同時新增嘅亦有「孝莊文皇后朝服像」，孝莊文皇后作為順治帝嘅生母、康熙帝嘅祖母，先後以皇太后和太皇太后身份，輔佐兩代幼主，享有崇高威望。喺佢嘅支持下，歐洲傳教士自順治時期便立足清宮，為兩國宮廷之間交流奠定基礎。
此次特別展覽聚焦中法兩國互相欣賞、啟發與交流嘅一段重要歷史，展期至5月4日結束。大家不妨抽空入場欣賞罕見珍品，了解中法兩國背後耐人尋味嘅故事。
KellyChu
更多文章
