郭志仁 - 新郎酒店房陌生女子 | 九宮格
郭志仁
2025-02-07 02:00 HKT
字體大小
伴郎G先生，結婚當天準時到達新郎酒店房，豈料開門的卻是一位長髮陌生女子。
師傅擇了時辰吉日，須在9時左右接新娘。新娘住港島區，避免早上塞車錯過吉時，新郎特意前一晚租住附近酒店房。
清晨7點，好兄弟伴郎G先生抵達酒店，開門迎接他不是睡眼惺忪的新郎，而是長髮秀氣女生，臉上掛着親切笑容問：「你係咪X兄弟？」G先生愣住了，內心一陣驚濤駭浪，因為他正與新娘通話中，確認新郎是否已起床，提醒伴郎帶好戒指和其他重要物品。
電話中新娘語氣提高八度：「把女聲係咩人？」G先生冷汗直流，深呼吸後開始編造第一個藉口：「哦……其實呢……我好似撳錯房門鐘。」新娘顯然不信：「我而家用Video call搵你！」G先生見勢不妙，硬着頭皮編造第二個理由：「唔使唔使，佢好似係酒店butler service（管家服務）送熱朱古力上嚟。」伴郎一邊胡亂解釋，一邊向女子打眼色，叫她配合演戲。
此時新郎正從浴室出來，一邊抹乾頭髮，一邊問伴郎：「仲咩唔入嚟？」G先生準備示意新郎救火，長髮女子終於按捺不住開口：「我係新郎髮型師同化妝師，都係新娘朋友。」
伴郎立即將電話遞給化妝師，化妝師跟新娘笑個不停，G先生則向新郎講述經過。新郎：「好兄弟，我去澳洲度蜜月買一箱Penfolds紅酒答謝你！」G先生：「超市$90嗰啲呀？」新郎：「你最愛嘅Penfolds Grange（見圖）呀！」
「如初，護衛你的還是我。有些兄弟，毋須講太多。」鄭伊健——消失的光陰
郭志仁
最Hit
內地人居港多年感慨「很難回去」？大讚4點生活細節 網民同感：真的好愛香港
2026-03-24 15:29 HKT
龍寶酒家葵芳總店結業！公告歸咎3大原因：由於世界形勢突變 去年要求員工放無薪假共渡時艱
2026-03-24 15:48 HKT
月入逾$5萬已婚港男 享受不求上進生活 準時放工食兩餸飯 講金句為「財富自由」下新定義｜Juicy叮
2026-03-24 13:28 HKT
更多文章
