KellyChu - 主辦單位料8億人次睇波 已售逾2萬門票 世界名宿聚首賀歲盃 大球場開踢轉播各地 | Executive日記
KellyChu
2025-02-01 02:00 HKT
字體大小
今日大年初四，Kelly祝各位讀者蛇年大吉、身體健康、福星高照。而蛇年賀歲盃亦會喺今晚8點於香港大球場上演，由香港明星隊迎戰世界明星隊，兩隊陣容都星光熠熠，當中更包括李華度及卡卡兩位前世界足球先生。活動同時獲大型體育活動事務委員會「M」品牌認可，本地電視台將免費直播，並破天荒同步轉播至內地、澳門、日本及新加坡等地。
主辦單位ProEvents昨日舉行賽前記者會，除咗卡卡同埋本田圭佑未能趕及出席，其餘球星全數亮相。曾為巴西贏得2002年世界盃冠軍嘅卡富及李華度更加入鄉隨俗，拎起揮春向全香港廣大球迷拜年。
ProEvents主席金偉明話，今屆最大不同之處係有直播去亞洲各地，估計將有8億人次睇波，又透露已售出逾2萬張門票，有望超過上屆20340人入場。佢指目前已覆蓋成本，但賽事成功與否，關鍵在於能否吸引更多人「塞爆球場」，今屆直播旨在配合政府宣傳香港，「作為盛事你不能只掛幾個氣球」。
昨日有份上台分享嘅前車路士球星艾殊利高爾提及，好高興可以同李華度一齊踢波，仲話記得2002年世界盃之時對方踢得好似想殺咗佢一樣，今次賽事希望一眾球員都可以享受比賽，球迷亦可以睇得開心。
由於今次賽事邀請咗日本球星本田圭佑、中田英壽做嘉賓，因此連日本球壇都有關注賽事，安排喺《ABEMA》免費直播。小妹亦相當期待兩隊踢場靚波，同賀新禧。
KellyChu
卡富（左）及李華度（右）拎起揮春同球迷拜年。
最Hit
創先河？屯門公屋明文禁保安為住戶提供開門服務 通告解釋原因掀熱議｜Juicy叮
2025-10-28 16:30 HKT
連鎖酒樓長腳蟹「勁鹹」？食客呻「以前食過唔係咁」 部長1原因解釋 網民批：食一次差過一次
2025-10-28 14:54 HKT
中環燒鴨名店被指收離譜「隱形服務費」 小紅書女質疑小費佔比高達50% 內地網民：我還是雙餸飯吧
2025-10-27 17:54 HKT
翠園$128點心套票平過散叫！歎足7款點心+甜品 附2大酒樓優惠
2025-10-28 12:49 HKT
更多文章
